Məlum olduğu kimi, ali məktəblərə qəbul imtahanları cari ildən etibarən iki mərhələdə keçirilir. İlk qəbul imtahanı II-III ixtisas qrupları üzrə mayın 13-də, I-IV ixtisas qrupları üzrə isə mayın 20-də keçirilib. İkinci imtahan isə I-IV ixtisas qrupları üzrə iyulun 18-də, II-III ixtisas qrupları üzrə isə iyulun 26-da keçiriləcək.
Hazırkı mərhələdə abituriyentləri düşündürən həm də universitet seçimidir. “Seçdiyim ixtisası hansı universitetdə oxumalıyam”, “dövlət yoxsa qeyri-dövlət universitetini seçməliyəm”, “Xüsusilə son illərdə şəffaf və keyfiyyətli təhsil istiqamətində ciddi addımlar atan qeyri-dövlət universitetlərindən hansını seçməliyəm?”sualları abituriyentlərin cavab axtardığı suallardır.
Belə halda, maraqlı olacağını nəzərə alıb ötənilki qəbul imtahanlarından sonra abituriyentlərin daha çox hansı qeyri-dövlət universitetlərini seçdiyi ilə bağlı statistikanı diqqətinizə təqdim edirik:
| Təhsil müəssisəsi | Ümumi plan yeri | Ödənişli təhsil üzrə qəbul olanların sayı | Qəbul olma faizi |
| Azərbaycan Kooperasiya Universiteti |
1115 |
672 |
60,27 |
| Bakı İslam Universiteti | 150 | 110 | 73,33 |
| Azərbaycan Universiteti | 525 | 216 | 41,14 |
| Qərb Universiteti | 910 | 574 | 64,21 |
| Xəzər Universiteti | 760 | 233 | 39,03 |
| Bakı Avrasiya Universiteti | 480 | 451 | 93,96 |
| Bakı Qızlar Universiteti | 390 | 311 | 79,95 |
| Odlar Yurdu Universiteti | 780 | 305 | 39,25 |
| Bakı Biznes Universiteti | 560 | 241 | 43,04 |
| Naxçıvan Universiteti (Naxçıvan şəhəri) | 345 | 228 | 66,47 |
| Azərbaycan Əmək və Sosial Münasibətlər Akademiyası | 230 | 94 | 40,87 |
