Bostonda yerləşən Harvard İctimai Səhiyyə Məktəbinin mütəxəssisləri müəyyən ediblər ki, qeysər kəsiyi əməliyyatı ilə dünyaya gələn körpələrdə piylənmə riski 15 faiz yüksəkdir və bu vəziyyət yetkin yaşda da davam edə bilər.
Tədqiqatın müəllifləri 16 il ərzində 22 mindən çox gənci müşahidə ediblər. Məlum olub ki, əvvəl qeysər kəsiyi olan anaların adi doğuşla dünyaya gətirdiyi uşaqlarda piylənmə riski, əvvəl qeysər kəsiyi və sonra yenə müvafiq əməliyyatı keçirən anaların dünyaya gətirdikləri uşaqlarla müqayisədə 31 faiz azdır.
