“Gencaile.az” saytının “İftar süfrəsi” rubrikası ləziz dadlardan ibarət daha bir iftar menyusu ideyasını oxucularına təqdim edir.
Balva
İçindəkilər
Qatıq – 500 qr
Dana əti – 200 qr
Yumurta – 2 ədəd
Kök – 2 ədəd
Kartof – 2 ədəd
Xiyar – 1 ədəd
Təzə sarımsaq – 1 ədəd
Nanə, şüyüd, keşniş
Qırmızı soğan (kiçik) – 1 ədəd
Su – 1 st
Duz, istiot – zövqə görə
Hazırlanması
Dana əti bişirilir. Yumurta, kök, kartof suda qaynadılır. Qatıq su ilə çırpılır, üzərinə kırda kub formasına doğranmış kartof, kök, yumurta ağı, xiyar, soğan, dana əti, xırdalanmış sarımsaq, göyərti əlavə olunur, duz, istiot səpilir, qarışdırılır.
Toyuq “Flor”
İçindəkilər
Toyuq filesi – 200 qr
Göbələk – 100 qr
Baş soğan – 1 ədəd
Pomidor – 2 ədəd
Holland pendiri – 2 ədəd
Qoz ləpəsi – 30 qr
Rəngli bibərlər – hərəsindən yarım ədəd
Bitki yağı – 100 qr
Duz, istiot – zövqə görə
Hazırlanması
Toyuq filesi streç arasında bir qədər döyəclənir, duzlanıb, istiotlanır. Pomidor, göbələk, soğan halqavari, bibərlər samanvari doğranır. Holland pendirir sürtgəcdən keçirilir, qoz ləpəsi üyüdülür. Göbələk və soğan yağda qovrulur, üzərinə duz, istiot səpilib qarışdırılır və kənara qoyulur. Toyuq filesi, pomidor və bibərlər ayrı-ayrılıqda yağda qızardılır. Toyuq “flor” bu qayda ilə servis qabına düzülür: toyuq filesi, pomidor, göbələk-soğan qarışımı, qoz ləpəsi.
Nuş olsun!
