Çini qablar

• Çini qabları oddan uzaq tutun. Çünki od çinilərin “genişlənməsinə” və sınmasına səbəb olur.
• Çini qabları soyuducunun buz yerinə qoya bilərsiniz, ancaq buz yerindən çıxardıqdan sonra bir qədər otaq temperaturunda saxlamalısınız.
• Metal çəngəl və bıçaqlar çini qablarda iz qoya bilər.
• Çinilərin üzərində qalan çay və qəhvə ləkələrini qab və ya diş tozu ilə təmizləyə bilərsiniz.
• Çini qabları yuyarkən daha çox maye təmizlik maddələrindən istifadə edin. Çünki başqa təmizlik maddələri və tel çinilərinizə ziyan verə bilər.
• Qurumuş yemək artıqları çinilərin naxışları zədələyə bilər. Buna görə də çini qabları yemək artıqları qurumadan yuyun.
• Əgər çinilərinizin naxışları qızılı rəngdədirsə, qabyuyan maşın əvəzinə əlinizdə yuyun.
• İstifadə etdiyiniz su çox kirəclidirsə, qab yuyarkən kirəcə qarşı tozdan istifadə edin.
• Boşqab və fincanlarınızı üst-üstə qoyarkən aralarına nazik kağız yerləşdirin. Beləliklə, qablarınızı zədələnməkdən qorumuş olarsınız.

Büllur qablar

• Büllur qablarınızı həmişə maye təmizlik maddələri ilə yuyun. Büllur qabları yuyarkən cızılmasın deyə əlinizdəki üzükləri çıxarın.
• Ağız hissələri stəkanların ən nazik və ən həssas yerləridir. Buna görə də stəkanları ağzı üstə çevirməyin.
• Büllurlarınızı şkafa qoyarkən qabların arasında məsafə saxlayın. Çünki büllurlar yüksək temperaturda genişlənirlər.

Gümüş qablar

• Gümüş oksidləndiyi və qaraldığı üçün onu saxlamaq çətindir. Buna görə də gümüş qablardan tez-tez istifadə edin.
• Gümüş qablarınızı saxlamaq üçün yastı və içi parçalı qutulara üstünlük verin. Beləliklə, onları toz və qaralmaya səbəb olan kükürd mənbələrindən də qorumuş olarsınız.
• Gümüş qablar rəngini və parlaqlığını qorusun deyə pambıq parça ilə təmizləyin.
• Gümüş qabları radiator kimi isti yerlərdən uzaq tutun.
• Gümüş qabları parıldadarkən aşınmaya səbəb olmayan parçadan və ya təbii tükləri olan diş fırçasından istifadə edin.
• Gümüş qabları qabyuyan maşını əvəzinə əldə yumağa üstünlük verin. Əgər bıçaqlarınızın ağzı paslanmaz poladdandırsa, digər gümüş qablarla birlikdə yumayınn. Çünki üzərində qara ləkələr əmələ gələ bilər.
• Qabyuyan maşından istifadə etmək məcburiyyətində qalsanız, gümüş qablarınızı yemək dəstlərindən kənarda yerləşdirin və qurumamış maşından çıxarın.
• Duz da gümüşün oksidləşməsinə səbəb olur.

Polad qablar

• Polad dəstlərinizi ləkə əmələ gəlmədin deyə uzun müddət suda saxlamayın. Polad qablarınızı isti və köpüklü suda yuyun.
• Əgər polad qablarınızı qabyuyan mşınında yuyacaqsınızsa, maye təmizlik maddələrindən istifadə edin.