Hazırda çiyələyin mövsümü olduğu üçün xanımlarımız bu güləmeyvədən mürəbbə hazırlamaq haqda düşünməyə başlayıb. Məhz bunu nəzərə alıb, çiyələk mürəbbəsinin hazırlanma qaydasını təqdim edirik.
Çiyələk mürəbbəsinin resepti.
Çiyələk 1 kq
şəkər tozu 700qr
Hazırlanma qaydası:
Çiyələk aşsüzənin içində altında da bir ləyən axar suyun altında yaxşıca yuyulur. Suyu süzüləndən sonra saplaqlaqlarından təmizlənib növbəli şəkildə altdan şəkər tökülməklə geniş bir ləyənə yığılır. Çiyələyin növündən asılı olaraq 1-2 saatdan 5-6 saata qədər gözlədirik ki, su salsın. Su salandan sonra ləyəni ocağın üzərinə qoyuruq. Əvvəlcə ocağı zəif açırıq gözləyirik ki, suyu bir qədər də artsın. Sonra qazı artırırıq. Ləyəni silkələyə-silkələyə kəfkirin arxası ilə meyvələri kənarlardan ortaya doğru itələyirik. Çiyələk zərif meyvə olduğu üçün onu gür odda tez bir zamanda bişirib götürmək lazımdır. Bu arada çıxan kəfləri sonuna qədər yığmaq lazımdır ki, mürəbbəmizin rəngi gözəl olsun, sonradan qalıb qıcqırmasın. Hazır olmasını üzərində qabarcıqların çoxalmasından qatılaşmasından hiss edirik. Bu zaman mürəbbənin suyundan qaşığın ucunda 1 damcı boşqaba damızdırırıq əgər yayılmırsa olduğu kimi qalırsa demək mürəbbəmiz hazırdır bankalara yığıb sərin yerə qoya bilərsiniz. Yox əgər sizə elə gəlirsə ki, mürəbbəni ocaqdan tez götürmüsünüz onda ləyənin üzərinə bir tənzif atın 2-3 gün gözlədin sonra bankalara yığın.
Nuş olsun.
