“Gencaile.az” saytının “Yeməyə nə var?” rubrikasında bu dəfə sizə balıq buğlamasının hazırlanma qaydasından bəhs edəcəyik.
İnqrediyentlər
1,5 kq balıq (sazan, xəşəm)
7-8 ədəd kartof
200 qr alça
1 dəstə keşniş
300 qr yağ
100 qr narşərab
zövqə görə duz və istiot
Hazırlanma mərhələsi
Balıq təmizlənir, 100-120 qramlıq tikələrə bölünür və supersun yağında qızılı rəng alana qədər bişirilir.
Kartof təmizlənir, uzununa 4-5 hissəyə bölünür və güclü odda Super Sun yağı ilə bişirilir.
Qazanın dibinə kartof düzülür, kartofun üzərinə 1 lay balıq, balığın üzərinə isə keşniş və alça düzülür. Sonra proses yenidən davam edilir. Düzülmüş layların üzərinə 1 st qaynar su tökülür və 20-25 dəqiqə balıq bişirilir.
Süfrəyə verilərkən narşərab ilə verilir.
Təqdim etdi: Məsudə Sultan
