“Gencaile.az” saytının “Yeməyə nə var?” rubrikasında bu gün sizə badımcanlı kükünün reseptini təqdim edəcəyik.
Tərkibi:
Badımcan – 1 kq
Soğan – 2 ədəd
Qoz – 200 qr
Yumurta – 3 ədəd
Duz, istiot – zövqə görə
Hazırlanması:
Soğan və badımcanı ayrıca ətçəkən maşında çəkirik. Sularını sıxırıq, yenə ayrıca. Tavaya bitki yağı töküb qızdırırıq və soğanı, daha sonra badımcan və qozları qızardırıq.
Bütün bunları dərin bir soba qabına qoyuruq, üstünə çırpılmış yumurtanı tökürük. Hər tərəfə eyni yayırıq ki, bütün qarışım içinə çəksin.
Qabı sobaya qoyuruq, kükü qızaran kimi demək olar ki, hazırdır. Romb şəklində doğrayırıq, soyuq ya da isti halda və ya plovun yanına qarnir kimi veririk.
Nuş olsun!
Təqdim etdi: Məsudə Sultan
