COVID-19 ilə mübarizə aparmaq üçün yalnız bir yol var. Bu barədə rusiyalı alimlər danışıb. Mütəxəssislərin fikrincə, buna yalnız əhalinin vaksinasiyası kömək edəcək, əks təqdirdə bu cür xəstəliklərin kütləvi alovlanması qaçılmazdır:
“Virus infeksiyalarının böyük əksəriyyəti üçün təsirli dərman olmadığını nəzərə alsaq, vaksinasiya xüsusilə vacibdir. COVID-19 xoşagəlməz fəsadları olan çox məkrli və mürəkkəb bir infeksiyadır. Bu səbəbdən də infeksion xəstəliklər üzrə mütəxəssislər və epidemioloqlar yekdil fikirdədirlər: yalnız vaksinasiya epidemiyanın öhdəsindən gəlməyə kömək edəcək”.
Ekspertlər vaksinasiyanın yayda daha effektiv nəticələr verdiyini də əlavə ediblər. İlin bu vaxtında insanlar daha sürətlə sağalır, sağlamlığını və immunitetini gücləndirir. Əlavə olaraq, günəşli havalarda hava damcıları ilə keçən infeksiyalara yoluxma riski əhəmiyyətli dərəcədə azalır:
“Bu səbəbdən ənənəvi olaraq ARVI qrip və digər damcı infeksiyalarının daha yüksək olduğu payız-qış mövsümünə hazırlaşmaq üçün yayda peyvənd vurdurmaq vacibdir”. (“Publika.az”)
