Avstraliya universitetlərinin birində qəzaya uğrayan avtomobillərin rənginə görə statistikası aparılıb. Statistika 1982-2004-cü illəri əhatə edir və məqsəd əhali arasında dolaşan “qırmızı rəngli avtomobillər daha çox qəzaya uğrayır” mifinə son qoymaq olub. Lakin tədqiqatlar bu inancın az da olsa, həqiqət olduğunu sübut edib. Məlum olub ki, qara rəngli avtomobildə qəza riski ağ rəngli avtomobillərə nisbətdə 12% daha artıqdır (“avtolent.az”).
Növbəti yerlərdə mavi, boz, yaşıl, qırmızı və gümüşü (metallik) rəngli avtomobillər gəlir. Buna səbəb rəngli avtomobillərin xüsusilə gecə saatlarında yolda daha pis seçilməsidir.
