“Gencaile.az” saytının “Yeməyə nə var?” rubrikasında bu gün sizə toyuq küftəsinin hazırlanma qaydasını təqdim edirik
Tərkibi:
1 soğan
2 yerkökü
2-3 kartof
100 q dondurulmuş (yaxud konserv) tərəvəz (qarğıdalı, göy noxud, lobya)
300 q toyuq qiyməsi
cəfəri
istiot
duz
Hazırlanma qaydası
Soğanı sürtgəcin xırda gözündən keçirin, yerkökünü saman kimi doğrayın. Qalın dibli tavada öncə soğanı, sonra yerkökünü qovurun. Qazana yığın, üzərinə 500 ml su töküb 10 dəqiqə qaynadın. Kartofu iri doğrayın. Qazana tökün, su əlavə edib daha 10 dəqiqə qaynadın. Tərəvəzi (qarğıdalı, göy noxud, lobya) əlavə edin. Toyuq qiyməsini xırda doğranmış cəfəri və ədviyyatla qarışdırın. Şorba qaynara düşəndə əlinizi isladaraq qiymədən küftələr tutub əlavə edin, duz-istiot, ədviyyat əlavə edib daha 7 dəqiqə qaynadın.
Nuş olsun!
Təqdim etdi: Məsudə Sultan
