Ürəyin normal işləməsi üçün tərkibində yüksək miqdarda kalium olan qidalar qəbul etmək lazımdır. “Rossiya 1” telekanalının efirində həkim Serqey Aqapkin orqanizmdəki bu vacib elementi qida ilə necə təmin etməyin üsulunu paylaşıb.
Mütəxəssislər hesab edirlər ki, hazırda həyatın müasir stresli ritmi ilə hər bir insanın xüsusi kalium ehtiyacı var.
Kalium yüksək qan təzyiqinin azalmasına təsir göstərir, ürəyi özünə qənaət rejiminə sövq edir, mərkəzi sinir sistemində relaksasiya proseslərini gücləndirir. Məsələn, atrial fibrilasiya aşağı kalium səviyyəsinin əlaməti ola bilər. Normalda gündə 3,5- 5 qrama qədər bədənə kalium daxil olmalıdır ki, bu da yeddi balqabağa bərabərdir.
Kalium ehtiyacını rahat ödəmək üçün pəhrizinizə tərkibində kalium yüksək olan qidaları daxil etmək kifayətdir.
“100 qram quru ərikdə – gündəlik kalium ehtiyacının yarısı var”,-deyə mütəxəssislər bildirirlər.
Kalium tərkibli “çempionlar” siyahısına gavalı, qurudulmuş alma və bişmiş kartof da daxil etmək olar (onda kaliumun yüksək konsentrasiyası var).
Bir növ cüt təşkil edən kalium və natrium ürəyin işində birgə iştirak edir.
“Hesab olunur ki, hipertoniya, erkən yaşlanma, damar divarının ödemi səbəblərindən biri orqanizmdə natriumun kalium üzərində ölümcül üstünlük təşkil etməsidir”,-deyə ekspertlər bildirirlər.
Bəzi tədqiqatlar göstərir ki, kaliumun əlavə edilməsi pəhrizdəki duzun miqdarını azaltmaqdan daha təsirli olur. Rusiyalı mütəxəssislər bunun üçün bir kompot reseptini təklif edirlər.
Bir kompot qarışığı quru alma və armud, quru ərik və quru gavalı alın, bir qazana bir litr soyuq su töküb, birlikdə qaynadın və qapağını örtün, səhərə qədər qalsın. Səhər, kaliumla zəngin bir içki hazırdır. Yeri gəlmişkən, hətta əvvəllər sovet alimi M.İ.Pevzner kardioloji xəstələrin pəhrizinə quru meyvə kompotunu da daxil etmişdi.
Nubar Süleymanova
