İtirilmiş diş problemi
Diş itkisi yalnız estetik məsələ deyil, həm də çeynəmə funksiyasına, danışığa və ümumi ağız sağlamlığına təsir edən ciddi problemdir. İtirilmiş bir diş boşluğu uzun müddət bərpa edilmədikdə, qonşu dişlərin yerini dəyişməsi, əks çənədə dişlərin aşağı enməsi və o bölgədə sümük həcminin azalması kimi fəsadlara yol aça bilər. Bu halda pasiyentlərin qarşısında əsas iki seçim dayanır:
- İtmiş dişi körpü protezi ilə bərpa etmək (yəni qonşu sağlam dişlərin yonulması).
- Dental implant vasitəsilə boşluğun doldurulması.
Dişlərin yonulması ilə körpü üsulu
Ənənəvi üsulda itmiş dişin boşluğu sağ və sol qonşu dişlərin yonulması hesabına körpü ilə doldurulur. Bu yanaşma tez nəticə versə də, bir sıra çatışmazlıqları var:
- Sağlam dişlərin ciddi şəkildə yonulması və ömürlük zəifləməsi.
- Yonulmuş dişlərin gələcəkdə kök kanalı müalicəsinə ehtiyac duyması riski.
- Körpünün altında sümük toxumasının zamanla sorulması.
- Estetik baxımdan hər zaman təbii görünməməsi.
Dental implant üsulu
Dental implant itirilmiş diş kökünü əvəz edən titandan hazırlanmış süni implantdır. İmplant çənə sümüyünə yerləşdirilir və üzərinə təbii görkəmli bərpa (kronoşka və ya kaplama) hazırlanır.
Implantların üstünlükləri:
- Qonşu dişlərə toxunulmur, onlar tam sağlam qalır.
- Sümük toxuması qorunur, çünki implant sümüyə təzyiq və stimulasiya verir.
- Uzunömürlü və davamlı həll hesab olunur.
- Estetik baxımdan təbii dişdən fərqlənmir.
- Çeynəmə funksiyası demək olar ki, təbii diş qədər effektiv olur.
Hansı üsul daha doğru seçimdir?
Diş həkimliyində məqsəd sağlam dişlərin qorunmasıdır. Körpü protezi sağlam dişlərin fədakarlığı ilə əldə edilir. İmplant isə yalnız itirilmiş dişin yerini bərpa edir, digər dişlərə müdaxilə olunmur. Bu baxımdan müasir stomatologiyada implant qızıl standart hesab olunur.
Müalicə prosesi
Implantasiya prosesindən pasiyentlər çox vaxt çəkinirlər. Halbuki müasir üsullarla implant yerləşdirilməsi qısa müddətdə, ağrısız və pasiyent üçün komfortlu şəkildə aparılır. İmplantın sümük ilə tam birləşməsi üçün bir neçə ay tələb oluna bilər, amma bu dövr bitdikdən sonra implant ömürlük xidmət edə bilər.
İtirilmiş dişlərin bərpasında ən sağlam və uzunmüddətli seçim dental implantlardır. Körpü protezi bəzi hallarda müvəqqəti həll kimi istifadə oluna bilər, amma sağlam dişləri qorumaq və sümük itkisini önləmək üçün implant daha düzgün yanaşmadır.
Tövsiyə:
Əgər diş itkisi ilə üz-üzə qalmısınızsa, qərar verməzdən əvvəl mütləq stomatoloqunuzla məsləhətləşin. Sağlam dişlərin qorunması üçün implant ən doğru seçim ola bilər.
Stomatoloq İlkin Eyvazov
