Uşağınızın məktəbə problemsiz şəkildə başlaması və məktəbini sevməsi tam olaraq sizin əlinizdədir.
Məktəbəqədər dövr uşağın böyümə prosesində ən mühüm dövrdür. Doğulduğumuz gündən 6 yaşına qədər davam edən bu dövr şəxsiyyətimizin formalaşmasının ilk təməllərini qoyur.
“Gencaile.az” Aile.lent.az-a istinadən uşağınızın məktəbə öyrəşməsinə yardım edəcək 10 addımı təqdim edir.
– Uşağın məktəbi ilə tanış olduğu gün məktəbin açılış günü olmamalıdır. Həmin gündən əvvəl onu oxuyacağı məktəbə aparıb, sinfi ilə tanış edin.
– Uşağın məktəbin elə ilk günü dərsə getməsinə çalışın. Uşağın digər həmyaşıdları ilə eyni gündə məktəbə başlaması sosiallaşa bilməsi və məktəbə öyrəşməsi baxımından çox vacibdir.
– Övladınızı digər uşaqlarla müqayisə etməyin. Hər uşaq müxtəlifdir. Məktəbə öyrəşməsi də fərqli ola bilər. Bu dövrdə uşağınızın şəxsiyyətinin müstəqil şəkildə formalaşmasına icazə verin.
– Öyrəşmə müddətində olduğunuzu xatırladın. Uşağınızla birgə siz və həyat yoldaşınız da məktəbə başlama müddətində olduğunuzu və bunun müvəqqəti xarakter daşıdığını xatırlayıb səbrli olun.
– Uşağı məktəbə qoyub evə qayıdarkən onunla vidalaşmağı dramatik bir hadisəyə çevirməyin.
– “Məktəbinə və müəllimənə güvənirəm” – Uşağınıza güvən məzmunlu cümlələri tez-tez təkrarlayın. Sizin etibar etdiyiniz insanlara uşağınız da çox asanlıqla bağlanacaq.
– Sakit və qayğısız olun. Qayğı uşaq və valideyn arasında yoluxucudur. Uşaqların məktəbə öyrəşməsini çətinliyə salanlardan biri də qayğılı valideynlərdir.
– Uşağınızı məktəb çıxışlarında çox gözlətməməyə çalışın.
– Məktəbdə gününün necə keçdiyini soruşun. Danışmaq istəmirsə, məcbur etməyin.
– Məktəbə başlaması ilə onda bir sıra dəyişikliklər görə bilərsiniz. Yuxu problemləri, altını islatmaq, qidalanma problemləri və s. Bunun üçün mütəxəssislə məsləhətləşin.
