Dövlət Statistika Komitəsi Azərbaycanda 1 yaşa qədər uşaqlarda ölüm səbəblərini açıqlayıb. Komitədən “Modern.az” saytının sorğusuna cavab olaraq bildirilib ki, ötən il ölkədə 1 yaşa qədər 1655 körpə müxtəlif səbəblərdən dünyasını dəyişib.
Onlardan 44 nəfəri bəzi infeksion və parazitar xəstəliklərdən, 80 nəfəri sinir sisteminin xəstəliklərindən, 156 nəfəri tənəffüs orqanlarının xəstəliklərindən, 15 nəfəri həzm sisteminin xəstəliklərindən, 1103 nəfəri perinatal dövrdə meydana çıxan hallardan, 116 nəfəri anadangəlmə anomaliyalardan (inkişaf qüsurları, deformasiyalar və xromosom pozğunluqları), 13 nəfəri travmalar, zəhərlənmələr və xarici səbəblərin təsirindən, 128 nəfəri digər səbəblərdən vəfat edib.
Bir yaşa qədər uşaqlarda ölüm səbəblərinə dair son 5 ilin statistikası belədir:
| Əsas səbəblər | 2010 | 2011 | 2012 | 2013 | 2014 | |
| Bütün səbəblərdən ölən uşaqların sayı | 1843 | 1903 | 1884 | 1862 | 1655 | |
| o cümlədən : | ||||||
| – bəzi infeksion və parazitar xəstəliklərdən | 113 | 102 | 98 | 67 | 44 | |
| – sinir sisteminin xəstəliklərindən | 139 | 106 | 89 | 105 | 80 | |
| – tənəffüs orqanlarının xəstəliklərindən | 581 | 388 | 298 | 192 | 156 | |
| – həzm sisteminin xəstəliklərindən | 42 | 35 | 29 | 22 | 15 | |
| – perinatal dövrdə meydana çıxan hallardan | 367 | 627 | 937 | 1142 | 1103 | |
| – anadangəlmə anomaliyalardan (inkişaf qüsurları, deformasiyalar və xromosom pozgunluqları) | 327 | 297 | 214 | 126 | 116 | |
| – travmalar, zəhərlənmələr və xarici səbəblərin təsirinin digər nəticələrindən | 37 | 33 | 21 | 20 | 13 | |
| – sair səbəblərdən | 237 | 315 | 198 | 188 | 128 | |
