İnstaqramın məxfilik siyasətinə görə, istifadəçilərin paylaşımlarını yalnız təsdiq etdikləri izləyicilər görə bilər. Gizli profillərin sahibləri izləmə istəklərini əl ilə təsdiqləməlidirlər ki, bu da onların paylaşımlarını kimin görəcəyini idarə etməyə imkan verir.
Ancaq bir çox insan gizli profillərə icazəsiz baxmağın yollarını axtarır. Bəs bu həqiqətən mümkündürmü?
Diqqət! Hesabınız oğurlana bilər
Rəsmi olaraq gizli profilləri icazəsiz görmək mümkün deyil. Bununla birlikdə, internetdə bəzi üçüncü tərəf tətbiqləri və veb saytları gizli profillərə baxa biləcəklərini iddia edirlər. Bu cür xidmətlərə ehtiyatla yanaşmaq lazımdır.
İnstaqramın təhlükəsizlik prinsiplərini gücləndirmək üçün atdığı addımlar gizli profillərin görüntülənməsinə imkan vermir. Gizli profillərə baxan tətbiqlər və veb saytlar adətən istifadəçi adı və şifrə kimi şəxsi məlumatlarınızı tələb edir. Bu məlumatı paylaşmaq hesabınızın təhlükəsizliyini təhlükə altına ala bilər və şəxsi məlumatlarınızın sui-istifadəsinə səbəb ola bilər. Bir çox üçüncü tərəf xidmətləri istifadəçiləri aldatmaq və ödəniş etmək üçün gizli profilləri görmək vəd edir. Bu cür xidmətlərin əksəriyyəti vədlərini yerinə yetirmir və istifadəçiləri aldadır.
Şəxsi hesablar tamamilə bağladılır
İcazəsiz bir şəxsin gizli profilini “qırmaq”, İnstaqramın xidmət şərtlərini pozur və hüquqi nəticələrə gətirib çıxara bilər. Bu cür hərəkətlər hesabınızın daimi olaraq bağlanmasına səbəb ola bilər. Unutmayın ki, bir istifadəçinin gizli profilini görmək istəyirsinizsə, ən təhlükəsiz və etik yol ona izləmək istəyini göndərməkdir.
Nigar Orucova
