“Gencaile.az” saytının mütamadi olaraq hər həftənin bazar ertəsi oxucularına təqdim etdiyi “Yeməyə nə var?” rubrikasında bu dəfə lavaşarası salatın hazırlanma qaydasından bəhs edəcəyik.
Lavaşarası salat
Tərkibi:
6 lavaş
Mayonez
Yumurta
Kartof
Kök,
File və ya ət (zövqə uyğun)
Göyərti,
Duz-istiot.
Hazırlanma qaydası:
Lavaşı mayonezlə yağlayırıq. Hər dəfə üzərinə duz, istiot səpirik. Sürtgəcdən keçirilmiş kökü əlavə edirik. Yenə lavaş əlavə edib, mayonezlə yağlayıb, kartofu əlavə edirik. Sonra yumurtanı, daha sonra file, sonda isə göyərtini lavaşın arasına əlavə edirik. Daha sonra lavaşları rulet kimi bükürük. Üstünə mayonez vurub, qozla bəzəyirik. Sonda sobada 10-15 dəqiqə bişirilir.
Nuş olsun!
