Mətbəxdə problem yaşamaq istəməyən xanımlara MƏSLƏHƏTLƏR

Baxış sayı: 1. 575

* Ət bişirərkən dağılmasın deyə, suyuna bir neçə damcı sirkə əlavə edin.

* Keksi qəlibdən asan çıxarmaq istəyirsinizsə, 10 dəqiqə gözləyin.

* Sobaya yerləşdirdiyiniz keks qəlibinin yanmasının qarşısını almaq üçün qəlibin altına bir qədər duz tökə bilərsiniz.

* Xəmir mayası alarkən mütləq istehsal tarixinə baxın.

* Yaş xəmir mayasının paketi qabarıbsa almayın. Çünki yaş maya isti yerdə aktivləşir və qabarmağa başlayır.

* Dolmaya vuracağınız düyünü mütləq ilıq suda saxlayıb yumşaldın və nişastasını təmizləmək üçün bir neçə dəfə yuyun. Belə etsəniz, düyünün bərk olmasının qarşısını alarsınız.

* Təzə dəniz məhsullarını hava keçirməyən, qapaqlı qabda soyuducuda saxlayın və ən azı iki gün ərzində istifadə edin.

* Şorbanı vam odda bişirməklə ləzzətini artıra bilərsiniz.

* Keksi qaşıqla qarışdırırsınızsa, qaşığı südə batırın ki, xəmirin yapışmasının qarşısını alasınız.

* Keksin daha yaxşı qabarması üçün yumurtaları ən azı 1 saat əvvəl soyuducudan çıxarın.

* Peçenye xəmirinin əlinizə yapışmaması üçün əllərinizi soyuq su ilə isladıb quruladıqdan sonra peçenyeyə şəkil verin.

* Makaronu qaynatdığınız sudan bir az ayırıb sousa əlavə etsəniz, sous daha ləzzətli olar.

* Tort bişirərkən keks qəlibini qatı yağla deyil, maye yağ ilə yağlayın ki, keksin yanma ehtimalı az olsun.

* Plovun sıyıq olmaması üçün düyünü yaxşıca yuyun.

* Əgər paxlavanızın kənarının nazik olmasını istəyirsinizsə, paxlavanı oxlovla açarkən kənarlarına barmaqlarınızın ucu ilə basın.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir