moda

Qollarının köklüyündən şikayət edənlər üçün dəb 5 dəb hiyləsi

Baxış sayı: 1. 550

Artıq çəki hər kəsdə özünü müxtəlif cür göstərir. Yağlar birinin qarın nahiyəsində, digərində ayaq, üçüncüdə isə ombada yığılır.

Bəzilərinin isə qolları şişmanlayır. Mütəxəssislərin sözlərinə görə, qollarda toplanmış yağları əritmək çox çətindir. Ona görə də həmin yağları əritmək yox, gizlətmək daha asandır.

“Gencaile.az” “Publika.az”-a istinadən qolların köklüyündən şikayət edən xanımları nəzərə alaraq bir neçə dəb hiyləsini təqdim edir.

 

1. Qollarınızı aksessuarla doldurun

Əgər qollarınız kökdürsə, onu gizlətməyin ən yaxşı üsulu diqqəti başqa tərəfə yönəltməkdir. Sizə qəribə gələ bilər, lakin bir neçə qolbaq sayəsində qolların köklüyünü məharətlə gizləmək mümkündür.

 

2. Yarımqollu köynəklər seçin

Yarımqol, kök qollar üçün kəşf olunub desək, yanılmarıq. Ən böyük üstünlüyü qolların ən kök hissələrini, yəni üst hissələrini örtməsi, digər üstünlüyü isə istənilən mövsümdə geyinilə bilməsidir.

 

3. Tünd rəngin gücündən istifadə edin

Tünd rəng insanı vizual olaraq daha arıq göstərir. Əllərinizin incə görünməyini istəyirsinizsə, tünd rəngli paltarlara üstünlük verərək problemi həll edə bilərsiniz.

 

4. Şal və ya kimono istifadə edin

Bu mövsüm dizaynerlər kimono dəbini sanki qolunun köklüyündən şikayət edən xanımlar üçün hazırlayıblar. Kimononuz yoxdursa, onu şalla əvəz edə bilərsiniz.

 

5. Valanlı qollar

Valan qolun köklüyünü gizlətməyin ən optimal variantıdır. Qollar həcmli olduğu üçün onu dar paltarlarla kombin etdikdə yaxşı görünür. Dar şalvarlar, ya da qələm ətəklər bu tərz köynəklərlə mükəmməl harmoniya yaradırlar.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir