Və budur, əlinizi köpüklə bəzədilmiş bakala uzatdığınız və ağlınızdan «insanları pivə öldürmür» ifadəsinin keçdiyi xoşbəxt dəqiqələrə görə hesablaşma vaxtıdır. Ruhunuzun dərinliklərində siz hər zaman bilirdiniz ki, özünüzü aldadırsınız və vaxt gələcək , sevimli produktlarınızdan uzaq durub idman zallarında tər tökməli olacaqsınız.
Bu yəqin sizi qorxudur, ona görə cəhənnəm əzabı kimi məşqi sonraya ertələyirsiniz. Əslində bu təsəvvür edildiyi qədər qorxulu deyil. Pivəli qarından ağrısız azad olmaq üçün sizə məsləhətlər təqdim edirik.
ALKOQOLLU İÇKİNİN QƏBULUNU AZALDIN
Siz, sağlam düşüncəli insan kimi başa düşürsünüz ki, günə bir litr pivə içməklə Apollonun bədən quruluşuna sahib olmaq mümkün deyil. Lakin bu o demək deyil ki, pivədən tamamilə uzaq durmaq lazımdır. Sadəcə olaraq, onun miqdarını və qəbul edilmə tezliyini azaltmaq lazımdır. Həftədə 0,3 bakal,özünüzü bədbəxt hiss etməməyiniz üçün kifayətdir. Həmçinin digər alkoqollu içkiləri hansı tezlikdə qəbul etdiyinizə də nəzər yetirin və bir müddət onlardan uzaq durmağa çalışın. Məsələ burasındadır ki, alkoqol kifayət qədər kalorili məhsuldur, bununla bərabər alkoqol suyu orqanizmdə toplayıb köpmə yaradır.
ÇƏRƏZLƏRDƏN UZAQ DURUN
İradənin gücü ilə, pivə ilə yeyilən bütün çərəzlərdən uzaq durmaq lazımdır. Xüsusən də, tərkibində daha çox duz və yağ olan məhsullardan. Pivə özlüyündə iştahanı artırır, müxtəlif kolbasalar, çipslər və digər qarışıq qidalar çox kalorilidirlər. Duzlu balığa da aludə olmayın, yadınızda saxlayın: duz orqanizmdə suyu toplamaqla həm arıqlamağa, həm də səliqəli bədən quruluşuna sahib olmağa mane olur. Buna görə də, qidaya gündəlik nə qədər duz əlavə etdiyinizə diqqət yetirin, bu miqdarı qorxmadan iki dəfə azalda bilərsiniz.
AXŞAM ÇOX YEMƏYİN
Axşam çox yeməməyə çalışın. Axşam saat 9-da ətli qarnir və ya kalorili pastadan ibarət axşam yeməyini saat 7 radələrində dəniz məhsulları və tərəvəzlə əvəz etsəniz, bir həftə sonra ilk nəticələr özünü göstərəcək. Həmçinin axşamlar daha rahat yatıb, səhərlər rahat oyandığınızı da müşahidə edəcəksiniz. Məsələ burasındadır ki, gec yeyilmiş axşam yeməkləri orqanizmi yuxu zamanı özünü bərpa edib güc toplamaq yerinə, işləməyə və qidanı həzm etməyə vadar edir.
İÇKİLƏRİ SU İLƏ ƏVƏZ EDİN
Heç olmasa bir müddətə qazlı sulardan və paketləşdirilmiş şirələrdən uzaq durub adi sudan istifadə edin. Ola bilsin ki, bir müddət sonra siz bütün bu zir-zibili ümumiyyətlə içmək istəməyəcəksiniz.
İDMAN ETMƏYİ UNUTMAYIN
Qarın sallanmasın deyə, onu saxlayacaq əzələlər olmalıdır. Aydın məsələdir ki, sizdə bu əzələlər var, məsələ onların hansı səviyyədə olmasındadır. Ümumən, necə məşq etdiyiniz o qədər də önəmli deyil. Önəmli olan, məşqlərin intensivliyi və nizamlılığıdır. Üzməyi sevirsinizsə, əla! Üzmək çiyin, bel və qarın əzələlərini möhkəmləndirməklə bərabər, bədənə mükəmməl görünüş verir. Pres hərəkətləri etməyi də unutmayın!
SEKSLƏ MƏŞĞUL OLUN
Seksin qarının ölçüsünə birbaşa aidiyyatı olmasa da, əla motivasiya verir. Bir düşünün, qarnınız o qədər böyükdür ki, qızın sizinlə yaxınlıq haqqında təəssüratlarını təmiz korlaya bilər.
Buna görə də, katastrofik miqdarlarda pivə içməyi ağlınıza belə gətirməyin, yoxsa şişman aseksual bədheybətə çevriləcəksiniz. Məsləhətlərimizə əməl etsəniz, bir ay ərzində ciddi fərq müşahidə edəcəksiniz.
