Bu gün bütün müsəlman ölkələrində olduğu kimi, Azərbaycanda da Qurban bayramı qeyd olunur. Adətən bu günlərdə qonaq qarşılamağa, süfrə qurmağa hazırlaşırıq. Bayram süfrəsində isə ət yeməkləri xüsusi yer tutur. Bəs qurban ətini necə bişirmək lazımdı? Əti düzgün bişirməyəndə mədə problemləri əmələ gələ bilər. Bu gün sizə, əti yaxşı bişirməyin üsullarından danışacağıq:
1) Ətin yumşaqlığı heyvanın növündən və yaşından asılıdır.
2) Yaxşı qidalanmayan və çox hərəkət edən heyvanların əti bərk olur. Yaxşı qidalanan heyvanın əti isə yağlı olur. Yağlı ətlər daha yumşaq və dadlıdır.
3) Yağlı ətləri sobada bişirmək məsləhətdir- beləliklə artıq yağlar əriyib axır və orqanizmə daha az yağ daxil olur. Bərk əti isə qiymə halına salmaq tövsiyə olunur. Daha sonra qiymədən dadlı kotlet hazırlaya bilərsiniz.
