Bəzi qidalar var ki, onları yatmazdan əvvəl və ya yatmağa az qalmış yemək doğru deyil. Sizə barəsində söhbət açacağımız bu qidalar və içkilər kifayət qədər yuxuya getməyə mane olur. Rahat yatmaq istəyirsinizsə, bu ərzaqları nə vaxt qəbul edəcəyinizə diqqət edin.

Kərəviz

Bunu yatmazdan əvvəl yeməyin. Bu tərəvəzdə xiyar və qarpızda olduğu kimi, təbii formada sidikqovucu var. Ona görə də sizi yuxudan yarımçıq oyadacaq.

Pomidor

Pomidor tiramin, amin turşuları ilə zəngindir. Hansı ki, bu maddələr beynin fəaliyyətini stimullaşdırır və aktivləşdirir. Aktiv beyin isə yuxuya getməkdə çətinlik çəkir. Onu da qeyd edək ki, badımcan, soya sousu və qırmızı şərab da eyni cür təsirə malikdir.

Pendirli pizza

Çox yağlı və qızardılmış qidaları həzm etmək üçün xeyli zaman lazımdır. Və bu da rahat yuxuya keçməyə mane olur. Bundan başqa, bu yemək yatmaq üçün qəbul etdiyiniz yuxu dərmanlarının da təsirini azaldır.

Alkoqol

Gecə qəbul etdiyiniz bir stəkan alkoqol sizi əvvəlcə yuxulada bilər. Amma buna baxmayaraq gecənin ortasında sizi oyandırır və yuxuya getmənizə mane olacaq. Bundan başqa, yaddaş və beynə zərər verir.

Quru lobya

Quru lobya yatmazdan əvvəl yeyilə biləcək ən pis qidadır. Bədən üçün bu məhsulu həzm etmək son dərəcə çətindir. Bu ağır həzm prosesi nəticəsində xeyli qaz yaranır ki, bunun meydana gəlməsi yuxunuzu pozacaq.

Tünd şokolad

Gündə kiçik bir parça qara şokolad ürəyi formada saxlayır, amma yatmazdan əvvəl yemək məsləhət deyil. Qara şokolad (ağdan fərqli olaraq) içərisində kakao və kofein olduğu üçün yuxuya getməyə mane olur.

Marmelad

Bir ovuc marmelad (ümumiyyətlə, hər hansı bir şirniyyat) bədəndə şəkərin səviyyəsini artırır. Orqanizm bu prosesi nəzarət altına almaq üçün insulin istehsal etməli olur. Şirniyyat yeyən zaman asanlıqla yuxulayacaqsınız, lakin tez də oyanacaqsınız. Çünki orqanizmdə şəkərin səviyyəsi birdən qalxanda, uzun müddət yatmaq olmur.

Acı sous

Bir çox insan üçün acı sous həzz mənbəyi deməkdir. Ancaq yatmazdan bir neçə saat əvvəl bunu yeməsəniz yaxşıdır. Mədənizdəki qıcqırma yuxu ilə bağlı bütün planlarınızı pozacaq.

Steyk

Yarım dilim steyk yemək yuxuya ciddi şəkildə pozur. Əgər könlünüzə steyk düşübsə, ən yaxşısı onu dadına sabah baxın. Yağlı yeməklərin həzmi, bədənə sorulması çox yavaş gedir. Bədən bu həzmlə məşğul olduğuna görə rahat yuxuya gedə bilməyəcəksiniz.

Qazlı içkilər

Kofeinin yuxuya mane olduğunu yuxarıda qeyd etdik. Qazlı içkilərdə də yuxunu qaçıracaq belə maddələr var.

Brokkoli

Brokoli pəhriz saxlayanlar üçün əvəzedilməz bir tərəvəzdir (tibb.az). Lakin çox yavaş həzm edilir. Bundan başqa, brokoli bədəndə qazın yaranmasına səbəb olur ki, bu da yuxuya getməyə mane olur.