Dünyada heç bir ölkə Yeni Zelandiya kimi mənzərəli panoramalara malik deyil. Nadir və zəngin təbiətinə görə Yeni Zelandiyanı bəzən “Dünyanın səkkizinci möcüzəsi” kimi təqdim edirlər. Yeni Zelandiyanın Avstraliyanın Cənub-şərqində yerləşməsi sizə çox uzaq görünə bilər. Lakin əmin ola bilərsiniz ki, Yeni Zelandiyaya səyahət həyatınızın ən unudulmaz anlarından biri ola bilər. Səyahətə getməyə müxtəlif səbəblərdən imkan tapmayanları isə biz virtual səyahətə aparacağıq. Beləliklə, “Gencaile.az” saytının “FotoTURist” rubrikasının budəfəki ölkəsi Yeni Zelandiyadır.
