Çox sevişin
“Bunu nənəm də bilir” deyib keçməyin. Nə qədər çox sevişsəniz, hamilə qalmaq şansınız bir o qədər artar. Sperma vagina içində təxminən 5 gün canlı qala bilir. Sekslə hər gün də olmasa, gün aşırı məşğul olsanız, hamilə qala bilərsiniz. Hamilə qalmaq istəyənlər xüsusilə ovulyasiya günlərini müəyyənləşdirməlidirlər.
Kafeini azaldın
Araşdırmalar kafeinin hamilə qalma ehtimalını yarı-yarıya endirdiyini göstərir. Yarım fincandan çox – o da kafeinsiz olmaq şərtilə kofe içməyin.
Partnyorunuzu “isti”dən uzaqlaşdırın
Kişinin yumurtalıqları ətrafındakı istilik spermalar üçün problem yaradır. Buna görə partnyorunuzdan dar olmayan, pambıq alt paltarları geyinməyi xahiş edin. Təkcə alt paltarları deyil, şalvarlarının da dar olmamasına diqqət göstərin.
Pəhriz saxlamayın
Ohio Universitetinin araşdırmasına görə, qadınlar kalori itirdikcə reproduktiv hormonların səviyyəsi də aşağı düşür.
Vitaminlər mütləqdir
Əsasən sink, selen, E və C vitaminləri vacibdir. Məsələn, sink və E vitamini hüceyrə yenilənməsinə kömək edir. Partnyorunuzun sperması nə qədər güclü olsa, sizin yumurtalarınızın buna müqavimət göstərməyi o qədər aşağı olacaq. Selen elementi testosteron və sperma sayının artmağına kömək edir. C vitamini isə spermanın keyfiyyətini artıraraq hamilə qalmağınızı tezləşdirəcək.
İçki və siqareti atın
İçki və siqaret həm qadın, həm də kişilərdə reproduktiv orqanlara bir başa təsir edir. Xüsusilə siqaret kişilərdə sperma sayını aşağı salır. Həddən artıq çox alkoqol da spermanın formasını pozur.
Müayinə olunun
Müayinə hər iki tərəf üçün mütləqdir. Hər ehtimala qarşı həkimə gedin, bəlkə hansısa xırda bir problemə görə istəyiniz baş tutmur? Əgər ağrıkəsici və ya digər dərmanlardan istifadə edirsinizsə, həkiminizlə məsləhətləşin. Bəzən ağrıkəsicilər də hamilə qalmağa mane ola bilir.
