İnsanlıq tarixi bir daha yaşanmasını istəməyəcəyimiz qaranlıq səhifələrlə doludur. Bu qaranlıq səhifələrdən biri də Rusiya tarixinin payına düşür. 1920-ci ildə baş verən bu hadisə sanki qorxulu bir filmi xatırladır.
“Gencaile.az” Musavat.com-a istinadən sizə Rusiya tarixində baş verən bu qorxunc hadisə haqqında ilginc faktları təqdim edir.
Qeyd etdiyimiz kimi, qorxulu bir filmi xatırladan bu görüntülər 1921-ci ildə Rusiyada bir kənddə çəkilib. Fotoda da göründüyü kimi, ər-arvad bazarda insan parçalarını satır. Bəli, bu cümlə olduqca qorxunc səslənsə də həqiqətdir.
Buna səbəb aclıq idi. Həmin dövrdə (1921-1922) 5 milyon insan aclıqdan həyatını itirdi. Onu da qeyd edək ki, həmin ərəfələrdə Rusiya 1-ci dünya müharibəsinin zərərlərini bərpa etməyə çalışırdı. Dövlət siyasətinin çökməsi səbəbindən kənd təsərrüfatı da demək olar ki, yox olmuşdu.
Bu fotoda Rusiyanın Samara şəhərindəki düşərgələrdən birində aclığa tərk edilmiş uşaqlardır.
Bəzi qaynaqlar isə kəndlilərin hökumətin döyüş fəaliyyətini pislədiyinə görə aclığa məhkum edildiyini iddia edir.
Bu fotoda isə aclığa məhkum olunmuş bir ailə var.
Həmin dövrdə hazırlanan hesabata görə, 30 milyon rus aclıqdan ölmək riski ilə üz-üzə qalıbmış. Həmin dövrə aid qorxunc hekayələr danışılır, hətta rusiyalı alimlərin hesabatlarında belə, bu hekayələrdən qeydlər var. Bir rus alimin hazırladığı hesabatda qadının öz həyat yoldaşının cəsədini yediyi yazılır.
Bununla yanaşı, bir çox insanın məzarları qazaraq, yeni dəfn edilmiş cəsədləri yeməsi də hesabatlar da yer alır. Daha sonra aclıq böyüdükcə əllərinə keçən nə varsa, yemək məcburiyyətində qalıblarmış. Bölgədəki düşərgələr və xəstəxanalar cəsədlərlə doluymuş. Dövlət qurumlarının bu məsələdə kəndlilərə heç bir dəstək göstərmədiyi də iddia edilir.
Turan Oruc,
Musavat.com
