Son bir həftə ərzində “Google” axtarış sistemində ən çox axtarılan sual “Diş məcunu ilə hamiləlik testi” (toothpaste pregnancy test) olub. Statistikaya görə gün ərzində nə az, nə çox, 2500 nəfər internet istifadəçisi bu sualı axtarışa verib.
Artıq ABŞ-da qadınlar hamilə olub-olmadıqlarını müəyyənləşdirmək üçün diş məcunundan istifadə edirlər. Bu üsulun dəqiq göstəricilər verdiyi təsdiqlənməsə də, istifadə edənlər həqiqət olduğunu deyir.
Hətta bəzi qadınlar diş məcunu ilə apardıqları testlərin nəticələrini “Yutub” sosial şəbəkəsində paylaşıblar.
“Negativepregnancytest.com” internet saytında diş məcunu ilə hamilə olub-olmadığınızı yoxlamağın üsulu belə izah edilib: “Təmiz bir stəkana bol miqdarda diş məcunu sıxılır. Daha sonra diş məcunun üzərinə bir neçə damcı sidik əlavə edilir. Əgər siz hamiləsinizsə, diş məcununun rəngi dəyişəcək və hətta köpüklənəcək. Yox əgər siz hamilə deyilsinizsə, o zaman diş məcununun rəngi olduğu kimi qalacaq və heç bir dəyişiklik olmayacaq”.
