Sosial şəbəkələrdə yayılan bu şəkil insanların şüuraltına hipnoz yolu ilə təsir edərək onları daha çox pul qazanmağa və həyat keyfiyyətini yaxşı istiqamətdə dəyişməyə həvəsləndirir.

Praktikada mandala tətbiq edərkən bir neçə nüansı bilmək lazımdır. Mandala insan tərəfindən idarə olunur, əksinə deyil. Mandala düşüncələriniz vasitəsilə özünə enerji cəlb edir. Mandala sizin iştirakınız olmadan enerji yaratmır. Düşüncələriniz nə qədər müsbət istiqamətdə olarsa, mandalanın enerjisi bir o qədər güclü olur. Mandala açıq enerji məlumat kanalı vasitəsi ilə sizə enerji göndərir.

Mandala ilə hər hansı məsafədə və günün istənilən vaxtında işləyə bilərsiniz. Məsələn, əgər yoldasınızsa və ona ictimaiyyət arasında baxmaq istəmirsinizsə, gözlərinizi bağlayaraq fikirlərinizi fiqurlara yönəldə bilərsiniz. Təsviri göz önünə gətirin. Enerji mütəxəssisləri iddia edir ki, mandala tətbiqi insanı daha xoşbəxt və daha uğurlu etmək üçün nəzərdə tutulub. Odur ki, mandalanın hər hansı əks göstərişləri barədə narahat olmağa dəyməz. Əksinə, mandala hər şeyi yalnız yaxşılığa doğru dəyişəcək.

Mandala enerji oyandıraraq həyatdan zövq almağa və hərəkət etməyə kömək edir. Odur ki, sevdiyiniz işə daha çox sevgi və zaman ayırın. Bir insanın öz qorxularından kənara çıxaraq ona xoşbəxtlik gətirən işlə məşğul olması vacibdir. Və bunun mütləq bir mükafatı olacaq. Vəziyyəti daha yaxşı tərəfə dəyişdirmək üçün qəlbinizi rəqs etdirən işlərlə maraqlanın.

Yadda saxlayın ki, əsas məsələ inamdır. Əgər həqiqətən düşüncələrinizə, gördüyünüz işlərə və nəyə ümid etdiyinizə inanırsınızsa, hər şey mütləq gerçəkləşəcək. Həyatımızı düşüncələr idarə edir. Ancaq bunu həqiqətən də ürəkdən istəməli və ona inanmalısınız. Yaxşı düşünün, onda həyatınızdakı hər şey yaxşı olacaq!

Məlumat üçün bildirək ki, sanskritcədən tərcümədə “çevrə” adlanan mandala Hinduizm və Buddizmdə Kainatı təmsil edən dini simvoldur. Çox vaxt dairə və ya kvadrat şəklində olan və hər şeyin mistik mərkəzinin simvolu olan mandalalar meditasiya vasitəsi olaraq istifadə edilir. Hinduizmdə Siva ve Saktinin kosmik rəqsini, Buddizmdə Budda Diyarını və ya Buddanı təmsil edən mandalalar mövcuddur. Buddizmdə mandalalar ona inanan insan üçün kainatdakı müqəddəsliyi və eyni müqəddəsliyin həmin şəxsin özündəki potensial vəziyyətini xatırladan əhəmiyyətli işarələrdir. Buddizm baxımından mandalanın məqsədi insanın çətinliyinə onu aydınlanmaya çatdıraraq son vermək və həqiqətlə bağlı doğru fikrə çatdırmaqdır. (“Publika.az”)