Elə əşyalar var ki, sahiblərinə yalnız bədbəxtlik gətirir. Bu yazıda məhz belə lənətlənmiş əşyalar haqqında bəhs edəcəyik.
Bədbəxtlik gətirən almaz
“Ümüd almazı” adlandırılan bu qiymətli daşın 1,1 milyard yaşının olduğu ehtimal olunur. Qiyməti təxminən 250 milyon dollar olan almaz hazırda almaz ABŞ-də yerləşən Smitsonov muzeyində saxlanılır. Rəvayətlərə görə, dəyərli zinyət əşyası sahiblərinə bədbəxtlik gətirib. Almazın sahiblərindən birini itlər parçalayıb, digəri isə fransızlar tərəfindən döyülərək öldürülüb.
Tomas Basbinin lənəti
Məşhur Basbi kreslosu ingilis əyyaş və qatil Tomas Basbi tərəfindən lənətlənmişdi. 1702-ci ildə Basbi həmin kresloda oturan atalığını boğaraq öldürmüşdü. Ölüm hökmünə məhkum olan Basbi özünü günahkar hesab etmirdi. O, bütün günahları məhz kresloda görürdü və buna görə də onu lənətləmişdi. Bu hadisədən sonra həmin kresloda oturan hər bir insanın başına dəhşətli fəlakətlər gəlir.
Yanğına səbəb olan rəsm əsəri
Məşhur rəssam Bruno Amadionun “Ağlayan oğlan” rəsm əsəri də lənətlənmiş əşyalar sırasına daxildir. Deyilənlərə görə, məşhur rəsm əsəri evdə yanğına səbəb olur. 1985-ci ildə bir ailəyə məxsus olan ev yanğın nəticəsində məhv olub.
Vahimələndirən əsər
Şəkil 1972-ci ildə Bill Stounhem tərəfindən çəkilib. Əsər 2000-ci ildən auksionda satışa çıxarılsa da hələ də satılmayıb. Əvvəllər şəkilin sahiblərindən birinin kiçik qızı rəsm əsərindəki fiqurların gecələr canlandığını deyib. Qızın valideynləri uşağın dediklərinə əmin olmaq üçün gizli kamera qoşduqdan sonra dəhşətə gəlib.
Tutanxamonun tabutu
Dünyada ən məşhur lənət Tutanxamonun tabutu ilə bağlıdır.
1923-cü ildə arxeoloqlar içi növbənöv xəzinə ilə dolu olan, əl dəyməmiş bir firon məzarı tapdılar. Tabutu aşkar edən Hovard Karterin sözlərinə görə, tabutu tapdalayan şəxsin başına bədbəxt hadisə, xəstəlik və ölüm gələ bilər. Qeyd edək ki, Karterin sponsoru Karnarvon infeksiyalı ağcaqanad dişləməsindən ölüb. Onun ardınca isə tabutun açılışında iştirak edən 20-dən artıq insanın hamısı vəfat edib. Arxeoloqların sirli şəkildə dəhşətli xəstəliklərə tutulması, bir-birinin ardınca ölmələri hər kəsi heyrətə gətirir.
Buz adamı mumiyası
Buz adam kimi tanınan mumiya 1991-ci ildə İtaliyanın dağlarında aşkar edilib. Ehtimala görə, mumiya eramızdan əvvəl 3300-cü illərdə yaşayıb. Rəvayətlərə görə, lənətlənmiş bu mumiya 7 insanın ölümünə səbəb olub. Bunların içində tibbi ekspert Rayner Henn dəhşətli yol qəzasında, alpinist Kurt Fritz qar uçqununda, mumiyanı tapan Helmut Simon isə qayadan yıxılaraq ölüb.
Bədbəxtlik hadisələrə səbəb olan telefon nömrəsi
Bir çoxları telefon nömrəsini fiziki obyekt hesab etmədiyi üçün ondan gələn hər hansı bir zərərə inanmaya bilər. Lakin +359 888 888 888 nömrəsinə sahib olan hər kəsin başına bədbəxt hadisə gəlib. Bu nömrənin sahibi olan Bolqarıstanın mobil rabitə şirkətinin baş direktoru 48 yaşında xərçəngdən vəfat edib. Ondan sonra bu nömrəyə sahib olan iki dələduz isə mübahisə etdikdən sonra bir-birlərini güllələyiblər.
Ölüm gətirən vaza
Gümüşdən hazırlanan Bassano vazası hələ XV əsrdə hazırlanıb və toy günü gəlinə hədiyyə olunub. Həmin gecə gəlin qətlə yetirilib. Belə ki, öldürülən gəlin səhərisi gün əlində bu vaza ilə aşkar olunub. Lənətlənmiş vaza sonradan nəsillikcə ötürülüb. Çox maraqlıdır ki, onu evində saxlayan hər kəs bir müddətdən sonra həyatını itirib. İnsan ölümlərinin sayı artdıqdan sonra vazanı gizlətmək qərarına gəliblər. 1988-ci ildə vaza auksionda satışa çıxarılıb. Bu auksionda vazanı alan əczaçı da 3 aydan sonra ölüb. Lakin bununla ailənin başına gələn bədbəxt hadisələr bitmir. Ailənin daha 3 üzvünü itirən insanlar vazanı polis bölməsinə aparaq onun məhv olmasını tələb etdilər. Lakin vazanın harda olması hələ də bilinmir.
Ölümə səbəb olan mücrü
Yəhudi folkloruna görə dibbuk pis ruhlardan biri sayılır. Deyilənlərə görə, pis ruh Holokostu insanlardan biri çağırıb. Həmin adam hansısa bir şəkildə ruhu mücrünün içinə sala bilib. Dibbuk adlı bu mücrüyə 2001-ci ildə Kevin Mannis adlı şəxs sahib olub. Lakin bundan sonra o, qarabasmalar görməyə başlayıb. Dediyinə görə, gözünə hər dəfə əcinnələr görünüb. Mücrüdən qurtulmaq istəyən Mannis onu anasına verib və həmin günü qadın insult keçirib. Bundan sonra mücrü satılıb və onun yeni sahibi Ceyson Hakston da gecələr qarabasmadan şikayət etməyə başlayıb və bir müddətdən sonra nadir dəri xəstəliyinə yoluxaraq həyatını itirib.
Bu güzgü hər kəsə faciə gətirir
Dünyanın ən qorxulu yerlərindən sayılan Mirtov plantasiyası ruhların ən çox olduğu yerdir. Bu plantasiya 1796-cı ildə hindu qəbilələlərinə məxsus qəbiristanlığında salınıb. Bəzi məlumatlara görə , lənətlənmiş plantasiyada 10 insan qətlə yetirilib. Deyilənlərə görə, buradan zəhərlənərək öldürülmüş Sara Vudraff və uşaqlarının ruhunun yaşadığı güzgü tapılıb. Bu güzgü hələ də lənətlənmiş əşya sayılaraq ona sahib olan hər kəsə yalnız bədbəxtlik gətirməkdədir.
Gecələr gəzən gəlinlik paltarı
Bu gəlin paltarı bir zamanlar Anna Beykerə məxsus olub. Lakin bədbəxt gəlin Anna bir dəfə də olsun gəlinliyini geyə bilməyib. Çünki onun atası qızın sevgilisini qovub. Tənha qalan qız bir müddətdən sonra intihar edir. Onun ölümündən sonra paltar muzeyə təhvil verilib. Şahidlərin sözlərinə əsasən gəlinlik paltarı gecələr öz-özünə hərəkət edir.
Belkort qəsrindəki kreslo
Qədim rəvayətlərə görə, Belkort qəsri ruhlarla dolu bir yerdir. Əsas yayılan hekayələr daha çox burada yerləşən iki kreslo ilə bağlıdır. Həmin kresloda oturmağa çalışan hər bir kəs özünü pis hiss etdiyini, bədəninin üşüdüyünü deyir. Bu kresloda oturan insanlara elə gəlir ki,onlar sanki kiminsə üstündə oturub. Hətta, elə bir hadisə də olub ki, kresloda oturan şəxsi sanki kimsə yerə tullayıb.
Paralel dünyadan olan pis ruhları saxlayan kukla
Kukla Annabel adlanan bu kuklanı 1970-ci ildə Donna adlı qadın öz qızı üçün antik mağazadan alıb. Əvvəlcə kukla heç bir oyuncaqlardan fərqlənmirdi. Lakin vaxt keçdikcə qəribə hadisələr baş verməyə başlayıb. Əvvəlcə qadının qızı və qonşusu otağa daxil olarkən kuklanı müxtəlif yerlərdə tapıb. Sonra isə daha dəhşətli hadisələr baş verməyə başlayıb. Donna kuklanın yanında “Bizə kömək et” cümləsi yazılmış məktub tapıb. Kuklanın üstündə isə çoxlu qan ləkələri olub. Donnanın həyat yoldaşı kuklanı atmağı məsləhət görüb. Məhz həmin gün Donnanı yuxuda kimsə boğmağa başlayıb. Paranormal hadisələrlə məşğul olan mütəxəssislərin sözlərinə görə, lənətlənmiş bu kukla paralel dünyadan olan pis ruhları özündə saxlayır.
Samirə Tağıyeva
