Bir çox insanlar düşünür ki, natiqlik sənəti sadəcə auditoriya qarşısında gözəl çıxış etmək bacarığıdır. Əslində isə bu, buzdağının yalnız görünən hissəsidir.

Həqiqi natiqlik insanın əvvəlcə özünü dinləməyi, daxili vəziyyətini idarə etməyi və fikirlərini elə ifadə etməyi bacarması ilə başlayır ki, onlar insanların qəlbinə toxunsun.

İnsan hər dəfə auditoriya qarşısında çıxış edərkən, beyni güclü stresslə qarşılaşır. Qədim müdafiə mexanizmləri işə düşür: qiymətləndirilmək qorxusu, səhv etmək qorxusu, qəbul edilməmək qorxusu. Məhz buna görə hətta çox uğurlu insanlar belə bəzən auditoriya qarşısında həyəcan keçirirlər.

Amma sevindirici xəbər budur ki, bu reaksiyalar dəyişməz deyil. Beyin dəyişə bilir.

Natiqlik bacarıqlarının inkişafı neyron əlaqələrinin məşqidir. Hər yeni çıxışla birlikdə özünəinam, diqqət, emosional sabitlik və sürətli düşünmə qabiliyyətinə cavabdeh olan neyron şəbəkələri güclənir.

Natiqlik bacarıqlarının inkişafı insana nə qazandırır?

Özünəinam artır.

İnsan öz fikirlərinə daha çox güvənməyə başlayır və onları ifadə etməkdən çəkinmir.

Beynin fəaliyyəti yaxşılaşır.

Çıxışa hazırlıq zamanı yaddaş, diqqət, məntiqi düşüncə, təxəyyül və emosional intellekt eyni anda aktiv işləyir.

Həyəcan azalır.

Müntəzəm çıxışlar sinir sisteminə auditoriyanı təhlükə kimi qəbul etməməyi öyrədir.

Liderlik keyfiyyətləri inkişaf edir.

İnsanlar aydın danışan, ilham verən və etibar yaradan insanların arxasınca gedirlər.

Münasibətlər yaxşılaşır.

Gözəl danışmaq təkcə inandırmaq deyil, həm də qarşı tərəfi dinləməyi, onun hisslərini anlamağı və sağlam ünsiyyət qurmağı bacarmaqdır.

Natiqlik sənəti şəxsiyyət üzərində işləməkdir

Nitq dəyişəndə düşüncə dəyişir.

Düşüncə dəyişəndə qərarlar dəyişir.

Qərarlar dəyişəndə isə həyatın keyfiyyəti dəyişir.

Məhz buna görə bu gün natiqlik kursları təkcə danışıq texnikasını öyrədən proqram deyil, həm də əsl şəxsi inkişaf məktəbinə çevrilib.

Niyə Rebrain Academy?

Rebrain Academy-də çalışan mütəxəssislər insanlara sadəcə auditoriya qarşısında çıxış etməyi öyrətmirlər. Onlar insanın özünəinam qazanmasına, daxili potensialını üzə çıxarmasına və sözün gücü ilə insanlara təsir etməsinə kömək edirlər.

Burada yalnız gözəl danışmaq öyrədilmir. Burada şəxsiyyət formalaşdırılır, daxili maneələr aşılır, xarizma inkişaf etdirilir və səs insanın ən güclü təsir alətlərindən birinə çevrilir.

Çünki güclü natiq çox söz bilən insan deyil.

Güclü natiq elə danışandır ki, onun fikirləri insanların yaddaşında və qəlbində qalır.

Natiqlik sənəti sadəcə gözəl sözlər demək deyil.

Bu, daxili azadlıqdır.

Bu, özün olmaq cəsarətidir.

Bu, insanlara ilham vermək, onları birləşdirmək və arxanca aparmaq bacarığıdır.

Və bəlkə də həyatınızda söyləyəcəyiniz ən vacib nitq səhnədə deyil.

O, özünüzə deyəcəyiniz bu cümlə olacaq:

“Artıq eşidilməkdən qorxmuram.”

Hər bir insan eşidilməyə layiqdir. Amma bunun üçün ilk növbədə özünü dinləməyi öyrənməlidir. Məhz buradan həqiqi natiqin, liderin və güclü şəxsiyyətin yolu başlayır.

Şərafət Şirinli

Klinik psixoloq, EMDR terapevt, ailə psixoloqu

“Rebrain Academy”nin rəhbəri