Yayın istisində sərinləmək üçün dondurma ən ideal seçimdir. Evdə hazırlanmış dondurma isə mükəmməl dad axtaranlar üçün bir hədiyyədir. Soyuducuda qaymaq və qatılaşdırılmış süd varsa, dondurma hazırlamaq elə də çətin deyil.
Beləliklə, “Gencaile.az” saytının instagram sosial şəbəkəsindəki “my_ sweet_house_1” səhifəsinə istinadən təqdim etdiyi “Şirin süfrə” rubrikasında sizə evdə dondurmanın necə hazırlanacağını təqdim edirik.
Tərkibi:
qaymaq (yağ tərkibi 33%) – 400 q;
qatılaşdırılmış süd – 190-200 q.
Necə hazırlanır?
1. Qaymağı dərin bir qaba tökün və bərk kütlə alınana qədər mikserlə çalın.
2. Sonra qatılaşdırılmış süd əlavə edin və mikserlə çalmağa davam edin, ancaq aşağı sürətlə.
3. Homojen bir kütlə alınana qədər qarışdırın, lakin uzun müddət deyil, əks halda yağ yarana bilər.
4. Hər şeyi bir qaba tökün, qapaq və ya yapışqan filmlə örtün. Dondurucuya qoyun.
5. 30 dəqiqədən sonra kütləni yenidən qarışdırmaq lazımdır. Bu, 30 dəqiqəlik fasilə ilə dörd dəfə edilir.
6-8 saatdan sonra dondurma hazır olacaq.
Damaq dadınıza uyğun tortların sifariş olunması üçün aşağıdakı səhifəyə müraciət edə bilərsiniz.
