findiq

Fındığın faydaları haqqında bilmədikləriniz

Baxış sayı: 8. 024

Fındığı heç də boş yerə çərəzlərin kralı adlandırmırlar. Fındıq qədimdən bəri öz şəfaverici xüsusiyyətləri ilə məşhurdur.

Araşdırmalar nəticəsində məlum olub ki, fındıq depressiya və stressə qarşı faydalıdır. İnsan üçün enerji mənbələrindən biridir. Fındıqdan istifadə qanda xolesterinin artmasının, qan-damar xəstəlikərinin yaranmasının qarşısını da alır. Həmçinin inkişaf edən orqanizm üçün çox lazımlıdır. Buna görə də fındıq uşaqların, cavanların, əsasən isə yaşlıların qidasının ayrılmaz bir hissəsini təşkil etməlidir.

“Gencaile.az” “publika.az”-a istinadən xəbər verir ki, Amerika və Avropada fındıq yağından geniş istifadə edirlər, onu hər evdə tapmaq mümkündür. Amerikalılar sendviçin və digər desertlərin hazırlanmasında fındıq yağından istifadə edirlər.

Fosfor və kaliumun miqdarına görə onun tayı-bərabəri yoxdur. Meyvəsi ilə yanaşı, hətta qabıq və yarpaqları da müalicə əhəmiyyətlidir. Qabığının həlimi və yarpaqlarının şirəsi kapillyar qanaxmanın, damarların daraldılması kimi müalicəvi əhəmiyyətə malikdir.

İştahanın artırılması üçün istifadə olunur.

Fındığın tərkibindəki xeyirli maddələr ürək xəstəliklərinin yaranması ehtimalını azaldır, damarlara xeyirli təsir göstərir, beyin fəaliyyətini yaxşılaşdırır, yorğunluğu aradan qaldırır, güc və gümrahlığı bərpa edir, mədə-bağırsaq sisteminin fəaliyyətini yaxşılaşdırır və digər növ xəstəlikləri müalicə edir.

Fındıq cinsi aktivliyi gücləndirməyə də xidmət edir.





Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir