Koksaki virusu uşaqlarda ən çox rast gəlinən yoluxucu xəstəliklərdən biridir. Virus adətən yay və payızın əvvəlində aktiv olur. Əksər hallarda yüngül keçir, amma bəzən uşaqlarda narahatlıq yarada və ağırlaşmalara səbəb ola bilər.
Necə yoluxur?
Uşaqlar virusa aşağıdakı yollarla yoluxa bilər:
Çirkli əllər və oyuncaqlardan,
Öskürək və asqırıq damcılarından,
Çirkli su və ya yeməklərdən.
Xüsusilə bağça və məktəb mühitində asanlıqla yayılır.
Əlamətləri hansılardır?
Koksaki virusu uşaqlarda müxtəlif əlamətlərlə özünü göstərə bilər:
1) Əl, ayaq və ağız xəstəliyi
Əldə və ayaqda kiçik su qabarcıqları,
Ağızda ağrılı yaralar,
Yeməkdən imtina, narahatlıq.
2) Herpanqina (boğaz infeksiyası)
Yüksək hərarət,
Udmaqda çətinlik,
Boğazın arxa divarında kiçik sulu səpgilər.
3) Ümumi əlamətlər
Halsızlıq,
İştahanın azalması,
Qarın ağrısı, qusma.
Çox nadir hallarda virus ürək, beyin qişaları və mədəaltı vəzi zədələyə bilər.
Müalicəsi necə aparılır?
Koksaki virusunun xüsusi dərmanı yoxdur. Müalicə sadəcə simptomlara yönəldilir:
Hərarət üçün – parasetamol və ya ibuprofen,
Ağız yaraları üçün – duzlu su və ya antiseptik qarqara,
Susuzluğun qarşısını almaq üçün – bol maye: su, şorba, kompot,
İstirahət və yüngül qidalanma vacibdir.
Əgər uşaqda aşağıdakı hallardan biri varsa, təcili həkimə müraciət edin:
Yemək və içməkdən tam imtina,
Çox yüksək və düşməyən hərarət,
Nəfəs darlığı, döş qəfəsində ağrı,
Qıcolma və ya huş itməsi.
Qarşısını necə almaq olar?
Uşaqların əllərini tez-tez yumaq,
Oyuncaqları, qab-qacağı təmiz saxlamaq,
Xəstə uşaq bağçaya və məktəbə göndərilməməlidir,
Şəxsi dəsmal və qab-qacaq ayrı istifadə olunmalıdır.
Nəticə
Koksaki virusu uşaqlarda geniş yayılmış, çox vaxt yüngül gedişli bir xəstəlikdir. Gigiyena qaydalarına riayət etməklə yoluxmanın qarşısını almaq olar. Valideynlər diqqətli olmalı və uşaqda təhlükəli əlamətlər olduqda həkimə müraciət etməlidirlər.
Pediatr Atlaz Möhsümova
(Mütəxəssislə 077 250 11 37 mobil nömrəsi vasitəsiylə əlaqə saxlaya bilərsiniz.)
bu virusun adi cox vaxt esidirdim ama ne oldugunu bilmirdim. indi aydin oldu, usagimda o sulu qabarciglar cixmishdi, deyirdiler “eh bir sey deyil” ama ciddiymis e.
Indi bildim niye hekim deyirdi “kompot, su icirdin, susuz qalmasin”. Susuzluq cox pis tesir edirmis.
Oglumda udmag cetinliyi yaranmishdi, agzinda da sulu yaralar. Klinikada dediler Koksaki virusudu. Qorxulu gorunur amma vaxtinda reaksiya versen kecir.
cox sag olun bele yazilar ucun. bir ata kimi her seyi internetden axtarib tapmaga calisiram, amma bele aydin yazilar azdi.
Bezileri deyir ki, “o hec virus deyil, adi qripdi”. Amma menim nevelerimde bu virus oldu, pis kecdi. Agzinda yara, heraret, usaq lap halsiz.
Menim oglumda kecen il bu virus oldu, agzinda yaralar cixdi, yemey istemirdi. Apardım Gunay Resulovanin yanina, sag olsun yardim eliyib tez duzeltdi.
men uje qorxuram usagi bagcaya qoymaga. ne virus varsa orda yayilir. bir uje bu koksaki qalmishdi 😩
Qizimda gecen yay bu virus oldu, agzinda yaralar var idi, hec su da icmek istemirdi. hekim dedi ki, bu Koksakidi. Cox cetin kecdi vallah.