Qeyd edək ki, siyahımızda yer alan məhsulların Azərbaycandakı satış yerlərini və qiymətlərini sizinlə paylaşmağa çalışacağıq. O zaman başlayaq.
NEYLON GÖDƏKÇƏLƏR
Bu il demək olar ki, vitrinlərdə hər növ gödəkçələri görmək mümkündür: Cinslər, dəri gödəkçələr və s. Biz isə bu gün neylon gödəkçələrdən danışacağıq. Ötən ildən daha çox qarşımıza çıxan bu gödəkçələr idman üslubunda geyinən və fərqliliyi sevən xanımlar üçün maraqlı seçim ola bilər.Neylon gödəkçələri sadə geyimlərinizdə üst geyim kimi rahatlıqla istifadə edə bilərsiniz. Azərbaycanda isə bir sıra mağazalarda bu gödəkçələrin satışı var.
BOL ŞALVARLAR
Azərbaycanda isə bu şalvarları bir çox mağazalarda tapmaq mümkündür.
BİTKİ VƏ MÜXTƏLİF NAXIŞLI UZUN DONLAR
Payızın gəlişi ilə parlaq və açıq rənglərdən çıxıb daha solğun rənglərə üz tuturuq. Rəngarəngliyinizi itirmək istəmirsinizsə, payız rənglərində və maraqlı naxışları olan donlara üstünlük verə bilərsiniz.
QABARIQ ÇİYİNLİ GEYİMLƏR
Əziz iş xanımları, sizləri də unutmadıq. Məlumdur ki, bir çox xanımların, xüsusən də iş xanımlarının qarderobunda olmazsa olmazları ağ və qara rəngli köynəklər və donlardır. Bu il isə dəbə şiş çiyinli və geniş qollu klassik geyimlər daxil olub. Demək olar ki, etdiyiniz alış verişlərdə bu formalı geyimlərlə tez-tez qarşılaşacaqsınız.
TRENCKOTLAR
Həm idman, həm də klassik üslubu sevən xanımlar üçün bu il solğun rəngli trenckotlar dəbdə olacaq.
