Tərəvəzli yumurta həm sağlam, həm də dadlı seçimdir. Rəngarəng tərəvəzlərlə zənginləşdirilmiş bu resept səhər, nahar və ya yüngül axşam yeməyi üçün idealdır. Bol vitamin və liflərlə dolu olan bu yemək uzun müddət tox saxlayır. Beləliklə, “Gencaile.az” saytının “Yeməyə nə var?” rubrikasında bu gün sizə tərəvəzli yumurtanın necə hazırlanmasından bəhs edəcəyik.
Ləvazimatlar:
2 ədəd yumurta
1/2 qırmızı bibər
1/2 yaşıl bibər
1/2 baş soğan
1/2 pomidor
1/2 stəkan brokoli (istəyə görə)
1 çay qaşığı bitki yağı (zeytun yağı tövsiyə olunur)
Duz, istiot və digər sevdiyiniz ədviyyatlar
Təzə göyərti (cəfəri, şüyüd və ya yaşıl soğan)
Hazırlanma qaydası:
Soğanı xırda doğrayıb yağı əlavə etdiyiniz tavada qovurun.
Ardınca doğranmış bibərləri və brokolini əlavə edin. 3-4 dəqiqə orta istilikdə qovrulsun.
Sonra doğranmış pomidoru əlavə edin və 2 dəqiqə daha bişirin.
Yumurtaları tərəvəzlərin üzərinə sındırın, duz-istiot əlavə edin. Qarışdıraraq omlet formasında və ya olduğu kimi bişirin.
Bişdikdən sonra üstünə doğranmış göyərti səpin və isti şəkildə süfrəyə verin.
🌱 Səhər enerjisi və günə təravətli bir start üçün mükəmməl seçimdir!
Tərəvəzli yumurtanı bir dəfə sınayın – PEŞMAN OLMAYACAQSINIZ!
Nuş olsun!
Təqdim etdi: Məsudə Sultan
