gunes

Yayda yaranan allergiya: Vaxtı keçmiş Günəş kremləri

Baxış sayı: 773

Vaxtı keçmiş günəş kremləri dəridə bir sıra problemlərə səbəb olur. Türkiyənin Allergiya və Kliniki İmmunologiya Cəmiyyətinin rəhbəri, professor Bülent Şekerel deyir ki, istifadə müddəti keçmiş kremlər də dəridə qızartı, qaşınma və yanma kimi allergik reaksiyalara səbəb olur. Onun sözlərinə görə, yayda baş verən allergiyaların səbəblərindən biri də budur.

Professor bildirir ki, günəş allergiyası hər yaşda rast gəlinə bilən problemdir. Günəş allergiyası zamanı bədənin uzun zaman günəş şüalarına məruz qalan hissələrində dəridə qızarma, qaşınma, soyulma, dəri rəngində dəyişiklik yaranır, iynə batma kimi hiss olur.

Onun sözlərinə görə, gizli inkişaf edən bir sıra xəstəliklər, eləcə də yüksək təzyiqlə bağlı qəbul olunan dərmanlar günəş allergiyasının yaranmasına səbəb ola bilir. Həkim bildirib ki, dəridə baş verən allergik reaksiyanın qarşısını birbaşa dəriyə tətbiq olunan dərmanlar (kremlər) və həblərdən istifadə etməklə almaq olar.

O, Günəş kremi istifadə edən zaman hər şeydən əvvəl onun istifadə tarixinə diqqət olunmasını tövsiyə edib. Mütəxəssis qeyd edib ki, günəş kremi çəkiləndən bir qədər sonra krem çəkilən bölgədə yaranan qızarma, yanma, qaşınma, qabarma kimi əlamətlər olduğu halda həmin yeri bol su ilə yumaq, dərini kremdən təmizləmək lazımdır. Allergiya şiddətlənərsə, o zaman həkim məsləhəti ilə tədbir görülməli, dərman qəbul olunmalıdır.

Mütəxəssis deyir ki, bu, müalicə olunmadığı halda günlərlə davam edə bilən bir allergiya növüdür.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir