Axşam idman etmək, ümumiyyətlə, ziyandır demək doğru deyil. Bir çox insan üçün axşam idmanı faydalı ola bilər. Ancaq, bir neçə amili nəzərə almaq vacibdir.
MayoMed Medikal Fizioterapiya vətər Reabilitasiya Mərkəzinin təsisçisi və baş həkimi, terapevt, ailə həkimi Nərminə Abbasova deyir ki, yatmağa yaxın vaxtda intensiv idman etmək, bəzi insanlarda yuxu problemlərinə səbəb ola bilər. Bədən hərarəti yüksəldikdə, bu, yuxu keyfiyyətini poza bilər. Əgər yuxu problemləri yaşayırsınızsa, idman fəaliyyətinizi yatmadan ən azı 2-3 saat əvvəl bitirmək yaxşı olar.
Həkim bildiri ki, bəzi insanlar axşam idman etməyi sevirlər və buna yaxşı reaksiya verirlər. Axşam saatlarında bədənin enerji səviyyələri yüksək ola bilər və əzələlər daha yaxşı işləyə bilər. Bu halda, idman etmək bədənə zərər verməz.
Mütəxəssis onu da qeyd edir ki, idman etdiyiniz vaxt, sizin həyat tərzinizə və şəxsi məqsədlərinizə uyğun olmalıdır. Əgər axşam idman etmək sizin üçün uyğun və komfortlu bir vaxtdırsa, bunu rahatlıqla edə bilərsiniz.
Ümumiyyətlə, idman vaxtı şəxsi ehtiyaclara və həyat tərzinə görə dəyişir. Əgər axşam idman etməyi sevirsinizsə və buna uyğun bir cədvəl qurmusunuzsa, bu, sizə zərər verməməlidir.
