Yayın gəlməsiylə birlikdə toy mövsümü də başlayır. Gənc qızların xəyalını qurduğu bu xüsusi gündə qüsursuz görünmək istəmələri təbii haqlarıdır. Qızlar istədiyi və seçdiyi gəlin paltarlarının əyinlərində gözəl və incə görünməsi üçün ciddi pəhrizlər saxlamaq məcburiyyətində qalırlar. Lakin elə etmək lazımdır ki, toy günü üzünüzdə yorğunluq və aclıq hiss olunmasın. Əgər bədəninizdən taqət getsə, etdiyiniz makiyaj da üzünüzə hopmayacaq, saçlarınız də istədiyiniz düzülüşə girməyəcək. Elə isə, gəlinlər necə qidalanmalı və hansı pəhrizlərə müraciət etməlidirlər? “Gencaile.az” Aile.lent.az-a istinadən türkiyəli dietoloq Aişə Tuğba Şengelin təqsim etdiyi “gəlinlik pəhrizi”ni sizinlə tanış edir. 3 gün bu cür qidalanmaqla arzu etdiyimiz nəticə əldə edərik.
İlk növbədə bu pəhrizdə 5 məqama diqqət etmək vacibdir. Gəlinlərin nə qədər sağlam qidalanarsa toy günü də özlərini o qədər yüngül hiss edərlər və toy günü bir o qədər qüsursuz görünər: “Toy hazırlıqları ərəfəsindəki qaçhaqaç gəlinlərin toydan əvvəl fiziki fəaliyyətinin artırmasına kömək olur. Gərgin keçən bu günlərdə qarşınıza çıxan çətinlikləri isə kiçik bir davranış dəyişikliyi ilə öz xeyrinizə çevirə bilərsiniz. Düz bir qarın və incə belin əslində xəyal olmadığını görəcəksiniz”.
Bunun üçün…
1. Konservləşdirilmiş və çox duzlu məhsullardan uzaq dayanın. Duzlu qidalar yesəniz bədəndə su tutumu çox olar. Bu səbəbdən şiş meydana gələr, şişmiş qarın və bədən isə toy günü gəlini narahat edəcək.
2. Sadə karbonhidrat yeməyə çəkinməyin. Çünki keyfiyyətsiz karbohidratlar şəkər tarazlığının pozulmasına səbəb olur, insan özünü halsız və yorğun hiss edər. Toydan əvvəl daha çox enerji verən zülal qrupundan olan qidalar yemək daha doğrudur.
3.Qaz yaradan qurupaxlalılar, turş və qazlı içkilər, yağlı yeməklərdən mütləq uzaq dayanın.
4.Su içməyi artırın. Toy təlaşı içərisində hiss etdiyiniz susuzluq və aclıq qarışdırıla bilər. Yemək yerinə mütləq su içməyə yönəlin. Su içməsəniz halsız və yorğun olarsınız.
5.Toydan əvvəl stress və həyəcanla bağlı olaraq qəbizlik və şiş meydana gətirə bilər. Bitki çayları içərək stressinizi azalda bilərsiniz. Qəbizlik və şişin qarşısını almaq üçün gilas sapı və bibəriyə dəmləyib içə bilərsiniz.
Toydan əvvəl edə biləcəyiniz 3 günlük gəlin pəhrizi
1-ci gün
Yuxudan oyandıqda: 1 stəkan su + 2 dənə quru ərik
Saat 09:00: 1 qaynatma yumurta, 1 dilim proteinsiz çörək
Saat 10:30: 2 incə dilim ananas, 2 ədəd qoz
Saat 13:00: 120 qram yağsız qızardılmış mal əti, 1 kasa kələm şorbası
Saat 15:30: 1 ədəd kivi, 6 ədəd çiy badam
Saat 19:00: 1 kasa qatıq, 10 qaşıq balqabaq yeməyi
Saat 21:00: 10 dənə çiyələk, 6 ədəd çiy fındıq
2-ci gün
Oyandıqda: 1 stəkan su + 2 dənə quru ərik
Saat 09:00: 1 dilim pendir (az yağlı), 6 ədəd duzsuz zeytun, 1 dilim proteinsiz çörək
Saat 10:30: 10 ədəd təzə ərik, 2 ədəd qoz
Saat 13:00: 120 qram yağsız qaynatma toyuq, 1 kasa az yağlı qatıq
Saat 15:30: 1 dilim pendir, 1 dənə çubuq suxari
Saat 19:00: 12 yemək qaşığı ispanaq yeməyi, 1 kasa az yağlı qatıq
Saat 21:00: 2 incə dilim ananas, 6 ədəd çiy fındıq
3-cü gün
oyandıqda: 1 stəkan su, 2 ədəd quru ərik
Saat 09:00: 1 qaynatma yumurta, 1 dilim özü pulsuz çörək
Saat 10:30: 1 ədəd kivi, 6 ədəd çiy badam
Saat 13:00: 12 yemək qaşığı pərpətöyün, 1 dilim proteinsiz çörək
Saat 15:30: 10 ədəd çiyələk, 2 ədəd qoz
Saat 19:00: 12 yemək qaşığı ispanaq, 1 kasa az yağlı qatıq
Saat 21:00: 1 kiçik boy alma və ya 2 incə dilim ananas
