qadaga

Hansı ölkələrə hansı məhsulları aparmaq qadağandır?

Baxış sayı: 473

Sərhədi keçmək çox vaxt olduqca narahat bir prosesə çevrilir, xüsusən də əşyaların yoxlanılması zamanı. Bu mərhələdə müəyyən şeyləri və əşyaları daşımaq cəhdi səbəbindən problemlər yarandıqda daha çətin olur- bəziləri məhdudiyyətlərlə sizinlə aparıla bilər, digərləri isə ümumiyyətlə götürülə bilməz. Amma bir sıra ölkələrdə bəzi əşyaların idxalına elə qəribə qadağalar qoyulub ki, onların mövcudluğuna prinsipcə inanmaq çətindir. Müxtəlif ölkələrə daşınması mümkün olmayan on gözlənilməz məhsulla tanış olun:

Sinqapur: saqqız

Düşünürük ki, adi bir saqqızı çeynəməyə kim mane ola bilər? Ancaq Sinqapur, belə çıxır ki, həyatı ciddi şəkildə çətinləşdirir. Belə ki, orada qanunvericilik səviyyəsində saqqızın idxalı qadağandır. Bu qərarın əsas səbəbi təmizlik uğrunda mübarizə idi: isti iqlim şəraitində nalayiq yerdə ilişib qalan yapışqan maddəni eyni səkidən və bina divarından çıxarmaq çox çətindir. Üstəlik, onu metro vaqonunun qapısına “heykəl” qoymağı düşünən vandallar da var idi ki, bu da tez-tez metronun işində uğursuzluqlarla nəticələnirdi. Məhz buna görə də Sinqapur ərazisinə saqqız gətirmək cəhdi və onu çeynəmək istəyi böyük cərimə ilə başa çatacaq.

Avstraliya: karantin müddətini keçməmiş heyvanlar

Təxminən 70 il əvvəl, 1956-cı ildə Yay Olimpiya Oyunlarının eyni vaxtda iki yerdə keçirildiyini az adam xatırlayar. Belə ki, demək olar ki, bütün növ yarışlar Avstraliyanın Melburn şəhərində keçirilirdisə, o zaman atçılıq yarışları İsveçin paytaxtı Stokholmda keçirilirdi. Bu, Olimpiya Oyunlarının təşkilatçılarının, hələ başlamazdan əvvəl yerli qanunlarla qarşılaşdıqları üçün baş vermişdi: altı aylıq karantin bitmədən heyvanların Avstraliyaya gətirilməsini qadağan idi. Bu qaydanı hökumət baytarlıq xəstəlikləri baxımından potensial təhlükələrin qarşısını almaq niyyəti ilə tətbiq edib.

3 Avstraliya: torpaq

Digər maraqlı qadağa torpaqla bağlıdır.  Qanuna görə,başqa qitələrdən olan torpaq Avstraliyaya gətirilə bilməz. Üstəlik, hətta torpağın qalıqlarını daşıya bilən hər hansı əşyaları, məsələn, ayaqqabıları daşımaq qadağandır. Bundan əlavə, gəliş kartında şəxsin son bir ay ərzində başqa ölkələrdə təsərrüfatlara və ya kənd ərazilərinə səfər edib-etmədiyini göstərmək lazımdır.

Yeni Zelandiya: velosipedlər və təkərli oyuncaqlar

Avstraliyalı kimi, Yeni Zelandiyada da xarici torpaqların idxalına qadağa qoyulub – onlar da unikal yerli floranın qorunmasına hörmətlə yanaşırlar. Bundan əlavə, turistlər Yeni Zelandiyaya hətta öz velosipedlərini və ya təkərli uşaq oyuncaqlarını gətirə bilməzlər. Bu ona görədir ki, təkərlərin üzərində digər dövlətlərdən və qitələrdən gələn mikroorqanizmlər və toxumlarla doymuş torpaq hissəcikləri ola bilər.

Yeni Zelandiya: musiqi alətləri

Yeni Zelandiyaya idxala digər maraqlı qadağa, qəribə də olsa, sənətlə bağlıdır. Deməli, musiqi alətləri dövlət ərazisinə gətirilə bilməz və hamısı ona görə ki, orada özünün köklü istehsalı var. Ədalət naminə, bu qanunvericilikdə bir istisnanın olduğunu aydınlaşdırmağa dəyər: turistlər bu aləti geri götürməyi öhdəsinə götürərsə, gitara və ya skripkalarını gətirməyə icazə vardır.

Finlandiya: antiradar olan avtomobillər

Finlandiyaya idxal qadağası var, lakin bu, daha çox avtomobillə daxil olanlara aiddir. Antiradarla təchiz edilmiş avtomobillər sərhədə buraxılmayacaq – bu qadjetlər ən sərt qadağa altındadır. Bir avtomobildə radar detektoru olan bir sürücü gömrükdə tutularsa, cihaz dərhal müsadirə olunaraq məhv ediləcək və məsuliyyətsiz sahibi 100-500 avroya qədər cərimə ödəyəcək.

İsveçrə: saxta İsveçrə saatları

Əslində keyfiyyəti ilə məşhur olan əfsanəvi “İsveçrə” saatlarının yaxşı satıldığı üçün saxtasının düzəldilməsi və satılmasında təəccüblü heç nə yoxdur. Lakin belə bir aksesuarın sahibi İsveçrəyə gedərsə onu evdə tərk etməli olacaq, çünki yerli hakimiyyət orqanları əsas markalardan biri ilə çox “mehribandır” Bu günə qədər 10 ildən artıqdır ki, dövlət saxta, lakin “İsveçrə” adı ilə buraxılmış saatların ölkəyə girişinə qadağa qoyub.

Afrika dövlətləri: plastik torbalar

Afrika qitəsinin əksər dövlətləri çoxdan öz ərazilərinə plastik torbaların idxalına qadağa qoyub. Yeri gəlmişkən, onların istehsalı və satışı ölkələrin öz ərazisində də qadağandır. Məsələn, Keniya bu qanunu çox ciddi şəkildə tətbiq edir: belə məhsulların istehsalı dörd ilə qədər həbs cəzası ilə nəticələnə bilər. Bununla Afrika dövlətlərinin hökumətləri təbiətin qorunmasına diqqət yetirməyə çalışır, çünki polietilenin yüz illər ərzində parçalanmadığı çoxdan məlumdur.

Yamayka: qəhvə

Bəlkə də elə bir ölkə yoxdur ki, orada əsl qəhvə həvəskarı tapmaq mümkün olmasın. Yamaykalılar da bu baxımdan istisna deyil. Bununla belə, adaya başqa ölkələrdən qəhvə gətirmək qəti qadağandır. İlk baxışdan yerli əhalinin günün istənilən vaxtı və böyük miqdarda bu canlandırıcı içkini içməyə hazır olduğunu nəzərə alsaq, belə bir qadağa qəribə görünür. Amma bunun səbəbi tamamilə praqmatikdir: Yamayka özü kifayət qədər qəhvə istehsal edir, ona görə də xarici mallar müsadirə olunur, sahibinə isə cərimə tətbiq olunur.

Madaqaskar: parfumeriya

Madaqaskarda isə yerli istehsalla əlaqəli eyni dərəcədə maraqlı bir qadağa var. Belə ki, adanın ərazisinə heç bir ətir gətirmək mümkün deyil. Bu, ona görədir ki, dövlət vanil istehsalında dünya lideridir və ölkənin hər yerində müvafiq ətir yağı istehsal edən çoxlu sayda fabrik yerləşir. Ona görə də yerli istehsalçılara lüzumsuz rəqabət yaratmamaq üçün qadağa qoyulub.

 

Nubar Süleymanova




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir