Ağdamda bir ailənin 7 üzvü qidadan zəhərlənib. APA-nın Qarabağ müxbirinin xəbərinə görə, hadisə rayonun Zəngişalı kəndində baş verib. Kənd sakinləri 1995 –ci il təvəllüdlü Süleymanova Nərmin Mətləb qızı, 1992-ci il təvəllüdlü Süleymanov Nicat Şöhlət oğlu, 1988-ci il təvəllüdlü Həsənova Nüranə Üzeyir qızı, 1970 Süleymanova Telli Səməd qızı, 1964-cü il təvəllüdlü Süleymanova Radə Mirzalı qızı, 1959-cu il təvəllüdlü Həsənova Bəsurə Səməd qızı, 1935-ci il təvəllüdlü Süleymanova Zərifə Həsən qızı ev şəraitində bişirilmiş peraşkidən zəhərlənib.
Zəhərlənənlər Ağdam Mərkəzi Rayon Xəstəxanasına çatdırılıb. Xəstəxanadan verilən xəbərə görə, zəhərlənənlərin vəziyyəti orta ağırdır.
