Araz Əhmədov olaraq bu dəfə isti yayın gəlişini gözləyən sizə soyuq Krasnoyarskdan bəhs edəcəm.
Doğma Bakımızdan 5 min kilometr uzaqlıqda türklərin qədim yurd yerlərindən Şimal buzlu okeana doğru uzanan Yenisey(qədim türkcə “böyük su”) çayının hər iki sahilində yerləşən Krasnoyarsk şəhərinin havası Rusiyanın ən çirkli havalarından biridir. Bu sənaye şəhərində kömür mədənləri ilə yanaşı, xeyli sayda zavodlar da var. Ona görə axşam düşdükdə, soyuq Krasnoyarskda şəhərin üzərini sıx çirkli hava kütləsi zəbt edir. İş o yerə çatır ki, bəzən yollarda avtomobillərin sürücüləri çirkli havadan dolayı öndə olan digər nəqliyyat vasitələrini belə görə bilmirlər, məhz bu üzdən yollarda tıxac yaranır. İndi sizə bu şəhəri şəkillərlə tanıtmağa çalışacam.
