TikTok-da influenserlər, geyimləri stilizasiya etməyin nə qədər maraqlı olması ilə sadəcə “geyinmək” arasındakı fərqi göstərirlər. Videonun müəllifləri əsas geyimə onları daha təsirli edən müxtəlif aksesuarlar əlavə edirlər. Bu “sehirli” elementlərdən biri də kəmərdir. Üstəlik, modapərəstlər onu təkcə şalvar və ətəklər ilə deyil, həm də paltarlarla birləşdirirlər. Bəs doğru kəməri necə tapmalıyıq?
Beləliklə, bu yazıda oxucuları bu sualın cavabı ilə tanış edirik.
Zövqünüzə uyğun kəmər dizaynını seçin. Bu, sözün əsl mənasında hər hansı bir paltara uyğun gələn neytral klassik model ola və ya daha cəbledici seçimlər ola bilər. Parlaq, qranj stilində metal dekoru və ya böyük toqqası olan bu aksesuarlar, şübhəsiz ki, görünüşünüzdə əsl çevriliş edəcək. Həm də material seçərkən sizi məhdudlaşdıran heç bir qayda yoxdur, əsas odur ki, kəmər paltarla yaxşı uyğunlaşsın.
Uzun düz və ya düyməli donları klassik, səliqəli və nazik qayışla bəzəyin. Eyni yanaşma axıcı parçadan hazırlanmış romantik paltarlara da aiddir. Zəncir qayış və ya klassik dəri onlarla əla uyğunlaşacaq. Bununla belə, ikinci halda, təzadlı bir görünüş yarada və paltar ilə kobud geniş kəmər taxa bilərsiniz. Əks üslubların birləşməsi nəticəsində möhtəşəm bir görünüş əldə edəcəksiniz. Lakin böyük kəmərləri qalın trikotaj paltarlar və qranj üslubu ilə birləşdirmək daha asandır. Geniş kəmər təkcə belinizi vizual olaraq daraltmayacaq, həm də ümumi obrazı vurğulayacaq. Yeri gəlmişkən, kəmər istənilən hündürlükdə taxıla bilər: belin üstündə və ya aşağıda.
