“Sakit lüks” və “old money” üslublarının populyarlığı sayəsində hər kəs bir şeyə can atır – “bahalı” imic yaratmaq. Bunların hər biri zəngin olduqlarını sübut etməyə ehtiyacı olmayan aristokratların və böyük sərvət varislərinin həyat tərzindən ilhamlanır. Bu estetikanın əsas detallarından biri odur ki, parlaq və zəngin rəng palitrasına gərək yoxdur. Bir çoxu “milyon dollarlıq” görünüşü yaratmaq üçün ağ və ya bej rənglərindən ibarət bir obrazın kifayət olduğunu düşünür. Bununla belə “old money” üslubunun real nümayəndələri asan həll yolunu sevmir və müxtəlif çalarları birləşdirməkdən qorxmurlar.
Beləliklə, oxucularımızı “old money” estetikasına mükəmməl uyğunlaşacaq 5 rəng birləşməsi ilə tanış edirik.
Süd və qum tonları + yaşıl püstə
“Old money” yalnız ağ və bej çalarları üzərində qurulmur. Əsl aristokratlar ən gözlənilməz rəngləri bahalı obrazlara məharətlə uyğunlaşdırırlar. Klassik qumu yaşıl püstə ilə uzlaşdırmağa çalışın. Yalnız ikincidə ehtiyatlı olun, yaşıl alt ton çətinliklə nəzərə çarpmalıdır. Ton çox dolğun olarsa, obraz uyğunsuz və çox rəngli olacaq. Ancaq güclə nəzərə çarpan püstə rəngi darıxdırıcı klassik görünüşü zənginləşdirməklə birlikdə ikiqat möhtəşəm edəcək.
Ağ+krem
Qar kimi ağappaq rəngin kremlə birləşməsi də gözəldir. İkincisinin çox isti olmaması vacibdir, ağdan bir və ya iki tonla fərqlənməlidir. Onda rənglər arasındakı fərq demək olar ki, nəzərə çarpmayacaq və təsvir öz zərifliyini itirməyəcək. Eyni zamanda, paltar daha mürəkkəbləşəcək və daha çox diqqəti cəlb edəcək, izdihamda itməyə imkan verməyəcək.
Kappuçino ilə çirkli mavi
“Old money” üslubunun rəng sxemi çoxları üçün çox darıxdırıcı görünə bilər. Parlaq bir vurğu etmək istəyirsinizsə, obrazı əlvan çalarlar ilə tamamlamağa tələsməyin. Onlarla birlikdə “old money” enerjisi dərhal imicinizi tərk edəcək. Çirkli mavi kimi səssiz rənglər isə uğurlu seçim olacaq. Şokolad və ya kapuçino rəngi ilə birlikdə ən ahəngdar görünür. Bahalı görünmək üçün bu rəngləri qafiyələməkdən çəkinməyin.
Şokolad+tünd ağac
Bu üslubunda geyinənlər həmişə açıq çalarları seçmir, eyni zamanda hər tünd rəng də uyğun gəlmir. Məsələn, adi qara obrazda çox tutqun görünəcək. Odur ki, vizual olaraq tünd ağacı xatırladan tonlara diqqət yetirin. Bir çalar kifayət deyilsə, “tünd ağacı” şokoladla uyğunlaşdırın. Onlar bir-birini mükəmməl şəkildə tamamlayırlar.
Karamel + bej tonları
Ən tipik “old money” rəng birləşmələrini unutmayın. Üslub adətən məhz bu iki rənglə xarakterizə olunur. Qoy hər kəsin bu estetik, karamel və bejdən ilham aldığınızı görsün. Sadəcə unutmayın ki, bu cür rənglər kostyum, kaşmir və ya trikotaj kimi qalın parçalardan həqiqətən zərif görünür. Bu çeşidin çox nazik materialları çətin ki, istənilən təəssürat yaratsın.
P.S “Old money” termini çox vaxt var-dövlətlərini müəyyən bir nəsildən miras alan varlı insanları ifadə etmək üçün istifadə olunur. Odur ki, “old money” stili də dəbdəbəli həyatdan doğan bir üslub anlayışıdır.
