GUNEBAXAN PIROQU

Günəbaxan piroqu belə hazırlanır – “YEMƏYƏ NƏ VAR?”

Baxış sayı: 813

“Gencaile.az” saytının “Yeməyə nə var?” rubrikasında bu dəfə sizə günəbaxan piroqunun hazırlanma qaudasından bəhs edəcəyik.

Tamamilə fərqli bir dad dadacağınıza əminik. Hazırladıqdan sonra şəkli bizim İnstagram və ya Facebook səhifəmizə göndərə bilərsiniz.

 

Tərkibi

500 qr – hazır xəmir (Mağazalarda “Готовое слоёное тесто” soruşub tapa bilərsiniz)

2 ədəd yumurtanın sarısı

250 qr – günəbaxan halvası

100 qr – qoz

100 qr – ərik qurusu

qatı ərik cemi (istəyə görə)

100 – qram şokolad

50 qr – kərə yağı

100 qr – un

 

Birinci içliyi hazırlayaq. Qozları xırda-xırda doğrayırıq. Eyni qayda ilə kərə yağını və günəbaxan halvasını doğrayırıq. Hamısını yaxşı qarışdırırıq. Xəmirdən eyni olçüdə 2 parça ayırıb, yumru formada açırıq. İçliyin hamısını açdığımız xəmirin ortasına qoyuruq. Daha sonra digər xəmirlə onun üstünü bağlayırıq. Bişərkən içliyin kənara tökülməsini istəmirsinizsə, xəmirin bağlanan yerinə biraz su vurub barmaqlarınızla sıxın.

Qalan xəmirimizlə yarpaqlar kəsirik. Biraz suya vuraraq yapışdırırıq.

Yumurtanın sarısını qarışdırıb Günəbaxan piroqumuzun üstünə çəkirik.

200 dərəcədə qızdırılmış sobamızda 20-25 dəqiqə bişiririk.

Piroqumuz bişdikdən sonra onun soyumasını gözləyin. Soyuduqdan sonra onun hər tərəfinə ərik cemini çəkin. Ərik qurularını xırda-xırda doğrayıb piroqun ortasına düzün. Əgər ceminiz çox qatıdırsa, onu biraz isti suda qızdırıb, çəkə bilərsiniz.

Şokoladı da isti suyun üstündə əridirik. Falqa kağızına kağızının üzərinə bir neçə damcı şokolad tökürük və bərkiməsi üçün soyuducuya qoyuruq. Bərkidikdən sonra hazır olan şokolad dənələrini Günəbaxan piroqumuzun üstünə tökürük.

 

Təqdim etdi: Məsudə Sultan




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir