yemek

“Harda nə yeyək?” – QƏTƏR MƏTBƏXİ

Baxış sayı: 231

“Gencaile.az” saytının “Harda nə yeyək?” rubrikasında bu dəfə Qətər mətbəxi haqqında danışacağıq.

 

Qətər mətbəxi onunla səciyyələnir ki, burada hər kəs istənilən zövqə uyğun yemək tapa bilər. Ölkədə Avropa və dünyanın digər mətbəx nümunələrinin hazırlandığı restoranlar fəaliyyət göstərir.

Xarici turistlər Qətərin milli mətbəxi ilə tanış deyil, çünki qida ehtiyatları kasaddır. Ümumiyyətlə, yerli sakinlər uzun müddət cəmi 3 məhsul – dəvə südü, yağ və xurmadan ibarət olan yeməklər hazırlayıb. Odur ki, Qətər mətbəxinə Şimali Afrika, İran və Hindistan qastronomiya ənənələri öz təsirini göstərib.

Müasir qətərlilərin qida rasionuna tərəvəz, meyvə, ədviyyat, (soğan, zeytun, qara və qırmızı istiot, sarımsaq, ətirli otlar) paxla, düyü, balıq, (tuna və xanı balığı) dəniz məhsulları (krevetlər, krablar, omarlar) daxildir. Ət azlığına baxmayaraq, restoranlarda və beduin səhralarında ət yeməkləri sifariş verə bilərsiniz.

Картинки по запросу qatar food

Qətərdə bir növ dolmaya bənzəyən varak enab xörəyi xüsusilə məşhurdur. Onun tərkibinə eynilə üzüm düyü, maraqlı ədviyyatlar, qoyun və ya toyuq əti daxildir. Şişdə qızardılmış quzu əti də turistlərin sevimli təamıdır. Bütün Şərq dünyasında olduğu kimi, Qətərdə də süfrənin şahı plov hesab olunur. Yüksək peşəkarlıq və zövqlə hazırlanmış şirniyyatlar özünəməxsus ədviyyatları ilə yadda qalır. Xüsusi vuğurlamaq lazımdır ki, Qətərlə Azərbaycan mətbəxi bir qədər oxşardır.

Картинки по запросу qatar food

Meyvə şirələri, ot kokteylləri, dəvə südü, hilli qəhvə, zəfəranlı qəhvə qətərlilərin ən populyar içkiləridir. Qazlı içkilər içməli sudan ucuzdur. Yerli sakinlər demək olar ki, spirtli içkilər istifadə etmirlər. Spirtli içkiləri yalnız bahalı restoranlardan, barlardan, eləcə də spirtli içkilərin satışı üçün lisenziyaya malik olan böyük mehmanxanalardan əldə etmək mümkündür.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir