ABŞ-ın Vaşinqton və İllinoys universitetləri beyinə implantasiya edilən simsiz sensorlar hazırlayıb. “Hitech.newsru.com” saytı yazır ki, yeni tip sensorlar zərurət yarandıqda kəllədaxili temperatur, təzyiq, turşuluq dərəcəsi daxil olmaqla, müxtəlif parametrlərin müayinəsini həyata keçirməyə imkan verir.
Bu sensorlarda böyükölçülü naqilli sensorlarda mövcud olan çatışmazlıqlar (infeksiya keçirə və toxumaların arzuolunmaz reaksiyasına səbəb ola bilər) yoxdur.
Alimlərin sözlərinə görə, yeni həll istənilən orqanın vəziyyətinin monitorinqində istifadə edilə bilər.Yaxın vaxtlarda yeni texnologiya insanlar üzərində sınaqdan keçiriləcək.
