Yuxular bizə şüuraltından bir mesajdır. Başımıza gələcək, yaşayacağımız hadisələrlə bağlı yuxularımız bizə xəbərdarlıq edir. Ancaq bu mesajın doğru alınması çox əhəmiyyətlidir. Yuxuların bilərəkdən yanlış yozulması həyatımıza təsir edə bilər. Odur ki, yuxularınızı hər adama danışmayın.

Son zamanlar insanlar yuxuda daha çox pul görür. Bu da iqtisadi sıxıntılar, arzuların reallaşmaması, bahalıq, işsizlik və s. ilə əlaqəli ola bilər.

Bəs gördüyünüz yuxu sizə hansı mesajı verir? “Gencaile.az” saytının “Yuxuyozma” rubrikasında məhz yuxuda pul görməkdən danışacağıq.

Yaxın gəlin, sizə bu mesajı verəcəyik. Əvvəlcə onu qeyd edək ki, yuxuda pul görmək eşidəcəyiniz sözlərin sizə verəcəyi zərərdən xəbər verir. Eşidəcəyiniz sözlər sizi çox incidə bilər. Bəzi yuxu yozanların fikrincə isə, yuxuda pul görmək ətrafınızda ikiüzlü insanların çox olmasına dəlalət edir.

Eyni zamanda pul gələcək nemətlərin xəbərçisi hesab edlir. Bu yuxunu görən şəxsin maddi durumu qaydasına düşər, sıxıntıları azalar.

Ehtiyyatlı olun, ətrafınızdakı ikiüzlü insanlar sizin haqqınızda danışa bilər. Pul həm də dedi-qodu, mübahisə işarəsidir.

Yuxuda pul udmaq

Yuxuda gümüş pul udmaq, yuxu sahibinin günaha batacağından xəbər verir.

Yuxuda qızıl pul udmaq, inkar deməkdir. Qızıl, yuxuda İslam dinini təmsil edir. Pul isə günaha girməkdir.

Yuxuda pul tapmaq

Yuxusunda pul tapan şəxs, ürəyini sıxacaq hadisələrlə qarşılaşar. Həyatını pul qazanmağa xərcləyib vaxtını boşa sərf etmək kimi yozulur.

Digər yozuma görə isə, yuxuda pul tapan insanın ruzisi artar, gəlirləri düşündüyündən çox olar. Gözləmədiyi qapılar, üzünə açılar və maddi tərəfdən böyük xoşbəxtliyə çatar.

Yuxuda pul tapmaq, eyni zamanda kiməsə borc vermək və ya ödəmədiyi borcları qaytara bilər.

Yuxuda pul kəsən adam görmək

Yaxınınızda bir kişi var, o, sizin üzünüzə gülsə də, arxanızca ayağınızın altını qazır. Ətrafınızdakı insanlara qarşı diqqətli olun. Hər deyilənə inanmayın.

Siz yuxuda pul kəsirsinizsə, kimsəyə demədən bəzi işlərə başlayacağınıza işarədir.

Pul cırmaq

Yuxusunda pul cıran şəxs, gördüyü işdən uzaqlaşar. Bu işlər, adətən yuxu sahibinin vicdanına zidd olan işlərdir.

Pul itirmək

Yuxusunda pul itirən şəxs, qısa bir müddətə daxili sıxıntılar yaşamağa başlayacaq. Amma qısa müddətlidir, bu da keçər.

Pul saymaq

Yuxusunda pul sayan şəxs, gözləmədiyi bir şəkildə bütün arzularına çata bilər.

Gümüş pul

Yuxuda gümüş pul, sevincli xəbərlər işarədir. Yuxu sahibinin qisməti açılacaq.

Xırda pul

Yeni bir işə girəcəksiniz. Bütün qapılar üzünüzə açılır.

Qızıl pul

Ətrafınızda olan şəxslər, sizi qısqanır.

Qızıl pul görmək, sizi incidən xəbərlər eşidəcəyinizə işarədir. Əgər stresli bir dövr yaşayırsınızsa, rahat olun, bitməsinə az qalıb. Yaxın zamanda günəş doğacaq və xoşbəxt olacaqsınız.

Kağız pul

Yuxuda kağız pul görmək, pul itirməyə işarədir.

Pul oğurlamaq

Yuxuda pul oğurlamaq, əlinizdə olmadan kiminsə gizlətdiyi sirrini öyrənəcəyinizə işarədir. Yuxuda pulunuzu oğurlayırlarsa, gizlətdiyiniz sirrləriniz açıla bilər. Bu sirrləri hamı öyrənə bilər.

Yuxuda pulsuzluq

Həqiqətən sıxıntı keçirəcəyinizə və borc alacağınıza işarədir.

Yuxuda xarici pul

Bu yuxunu görən şəxs, yeni bir iş quracaq. Və işinin çox gəlirli olacaq.

Yuxuda oyundan pul qazanmaq

Yuxunu görən şəxs, böyük sürpriz yaşayacaq. Bu, iş təklifi və ya maaşının artacağına işarədir.

Yuxuda pul xərcləmək

Sevgi axtarışında olduğunuzun xəbərçisidir.

Təqdim etdi: İlahə Atəş