Kinoa orqanizm üçün ən faydalı qidalardan biridir. Ölkəmizdə son bir neçə ildə tanınmağa başlayan bu taxıldan siz də dadlı və faydalı yeməklər bişirə bilərsiniz. “Gencaile.az” saytının “İftar menyusu” rubrikasında bu gün sizə göbələkli kinoa pilovunun hazərlanma qaydasından bəhs edəcəyik.
2 stəkan kinoa
500 qram göbələk
4-5 diş sarımsaq
1 çay qaşığı quru kəklikotu
2-3 xörək qaşığı parmesan pendiri
1-2 xörək qaşığı zeytun yağı
Kərəyağı
Duz
Qara istiot
Hazırlanması:
Kinoanı təmiz yuyun. Suda bişirib süzün.
Göbələkləri doğrayıb xırda doğrayın. Sarımsaqları da ya xırda-xırda doğrayın, ya da rəndədən keçirin. Böyük bir tavaya 2-3 qaşıq zeytun yağı əlavə edib qızmasını gözləyin. Tavaya göbələkləri töküb bir az qovurun. Daha sonra sarımsaq, duz, qara istiot və kəklikotunu əlavə edib qarışdırın. Göbələklər yumşalana kimi bişirin. Daha sonra kinoanı üzərinə əlavə edib qarışdırın. Ocağın altını söndürün. Pilovun içərisinə parmesan pendirini və bir az kərə yağı əlavə edib bunlar əriyənə qədər qarışdırın. Pilovu dəmlənməyə qoyun. 15 dəqiqə sonra süfrəyə verə bilərsiniz.
Nuş olsun!
Hazırladı: Məsudə Sultan
