is

İş yerində vulqar sözlərdən istifadə etməyin ÜSTÜNLÜKLƏRİ

Baxış sayı: 525

İş yerində vulqar sözlər qadağa olaraq qalır və bir çox rəhbər belə nitqin “işçilərin peşəkarlığını şübhə altına aldığını” düşünür. Ancaq tədqiqatlar göstərib ki, söyüş insanlar arasında etimadı artırır, sağlamlığı yaxşılaşdırır, həmçinin komandanın uğuruna müsbət təsir edir.

Hələ 2016-cı ildə amerikalı alimlər hesablayıb ki, orta statistik insan gün ərzində 80 dəfə söyüş söyür. Lakin bu qeyri-etik danışığın iş yerində tabu olması reallığını dəyişdirmədi. 81% rəhbər belə danışığı qeyri-peşəkar hesab edir.

Eyni zamanda elm adamları söyüşün həyatın bir çox sahəsindəki faydaları haqqında danışır. Nitqində vulqar sözlərə yol verən insanlar çox vaxt daha az yalan danışırlar, daha yüksək emosional zəka və İQ səviyyəsinə sahib olurlar, üstəlik geniş lüğətə sahibdirlər.

Mütəxəssislərin izah etdiyi kimi, söyüş gündəlik dillə ifadə edilə bilməyən hissləri və mənaları ötürür. Bunun sayəsində insanlar bir-birini daha yaxşı tanıya və anlaya bilir, nəticədə aralarında güclü bağ və etibar yaranır.

Bu, sağlamlığınız üçün də faydalıdır. Vaxtında söylənilən bir söz narahatlığı azalda bilər və ağrıya dözümlülüyü artırar. Bunu İngiltərənin Kiel Universitetində aparılan bir təcrübə sübut edir: Söylənən iştirakçılar əllərini buzlu suda sükut içində tutanlara nisbətən 50% daha uzun müddət saxlaya bilib.

Image result for ofisde tartışma"

Alimlər özlərini kobudcasına ifadə etməkdən imtina etməyən insanlarda qan dövranının, endorfin səviyyəsinin daha yaxşı vəziyyətdə olduğunu və ümumi bir sakitlik, nəzarət və rifah halını qeyd edirlər.

İş yerində də vulqar sözlərin üstünlükləri var. BBC-nin məlumatına görə, bunlar iş mübahisələrində arqumentlərin effektivliyini və etibarlılığını artırır.

Bundan əlavə, ən mehriban və məhsuldar komandalar qeyri-normativ nitqdən istifadə edərək öz aralarında ünsiyyət quran və zarafat edənlərdir. Adətən bu şirkətlər istehsal və informasiya texnologiyaları sahələrində fəaliyyət göstərir.

Ötən ilin dekabr ayında “Kellogg School” tədqiqatçıları aydınlaşdırdı ki, utancverici hekayələr danışan işçilərin məhsuldarlığı başqalarına nisbətən daha yüksək olub. Mütəxəssis menecerlərə “beyin fırtınası”na (brainstorming) yöndəmsiz bir hekayə ilə başlamağı məsləhət görür. Bu daha çox ideya yaratmağa kömək edir və insanları prosesə daha yaxşı kökləyir.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir