“Gencaile.az” saytı “Yeməyə nə var?” rubrikasında göbələk sevənlər üçün dadlı və tez hazırlanan salatı təqdim edəcək. Beləliklə, tez başa gələn və ləzzətli “Pandora” salatının reseptini təqdim edirik.
Tərkibi:
500 qr şampinyon göbələyi
150 qr bərk pendir
1 banka konservləşdirilmiş qarğıdalı
1 ədəd soğan
bitki yağı
duz, istiot
mayonez
Hazırlanma qaydası:
İlk öncə göbələkləri yuyub, kağız dəsmalla yaxşıca qurulayıb xırda orta böyüklükdə doğrayın. Xırda doğranmış soğanı tavada bitki yağında qovurun. Qızılırəng olanadək qovrulan soğana xırda doğranmış göbələkləri, duz və istiot da əlavə edib 5-10 dəqiqə bişirib ocaqdan götürün. Qovrulmuş göbələkləri başqa bir qaba tökün və rəndələnmiş pendir əlavə edib qarışdırın. Pendiri göbələklərə isti halda əlavə edin ki, pendir ərisin. Pendirli göbələk qarışığına konservləşdirilmiş qarğıdalı dənələri və mayonez töküb qarışdırın. Salat hazırdır. Bir az kənarda və ya 15 dəqiqə soyuducuda saxladıqdan sonra süfrəyə verə bilərsiniz.
Təqdim etdi: İlahə Atəş
